बैशाख १९ गते २०६८

देशको संकट निवारणमा एक हुन राष्ट्रपतिद्धार तिन दललाइ सुझाव

President Dr. Rambaran Yadav

राष्ट्रपति डाक्टर रामवरण यादवले प्रमुख राजनीतिक दललाई एकताबद्ध रूपमा अघि बढेर मुलुकको संकट निवारण गर्न आग्रह गर्नुभएको छ ।

अपरान्ह तीनै दलका शीर्ष नेतालाई शीतल निवासमा आमन्त्रण गरेर यादवले यस्तो सुझाव दिनुभएको हो । नया“ संविधान निर्माणको म्याद सकि“दै गर्दा यादवले यसप्रति चिन्ता गर्नुभएको हो । राष्ट्रिय सहमतिबिना शान्ति र संविधानले निचोड नपाउने हु“दा पनि एक भएर अघि बढ्न राष्ट्रपतिले सुझाव दिनुभएको का“ग्रेस सभापति सुशील कोइरालाले जानकारी दिनुभयो । एक घण्टा बढी चलेको छलफलमा प्रधानमन्त्री तथा एमाले अध्यक्ष झलनाथ खनाल, एकीकृत माओवादीका अध्यक्ष पुष्पकमल दाहाल ‘प्रचण्ड’ र नेपाली का“ग्रेसका सभापति सुशील कोइरालाको सहभागिता थियो । आगामी आर्थिक वर्षको बजेट, संविधानसभाको म्याद थप तथा शान्ति प्रक्रियालाई निश्कर्षमा पु¥याउने विषयमा पनि छलफल भएको बताइएको छ ।


संसदको बजेट अधिवेशन आजबाट सुरु

व्यवस्थापिका संसदको बजेट अधिवेशन आजबाट सुरु भएको छ । सभामुख सुवास नेम्वाङले संसद्को बैठकमा संसद्को १० औं अधिवेशन आह्वानबारे राष्ट्रपति कार्यालयबाट प्राप्त पत्र पढेर सुनाएपछि बजेट अधिवेशन सुरु भएको हो । सभामुख नेम्वाङले पत्र पढिरहनुह“दा संविधानसभामा सीमान्तकृत समुदायको हकअघिकार सुनिश्चित गर्न माग गर्दै चार सभासद्ले नाराबाजी गरिरहेका थिए । सभामुखले प्रक्रिया नपु¥याई नाराबाजी गरेको भन्दै बैठक अघि बढाउनुभएको थियो । बजेट अधिवेशन बैशाखमै सुरु भए पनि बजेट आउने मिति भने निश्चित छैन । यसअघि सरकारले जेठ ९ गते बजेट ल्याउने तयारी गरेको थियो तर प्रमुख प्रतिपक्षी दल का“ग्रेसको असहमतिका कारण जेठ १४ अघि बजेट आउने सम्भावना छैन । बैठकपछि का“ग्रेस संसदीय दलका नेता रामचन्द्र पौडेलले जेठ १४ अघि बजेट नल्याउने सहमति भएको जानकारी दिनुभयो । संसद्को अर्को बैठक आगामी २५ गते तीन बजे बोलाइएको छ ।

संविधान सभाको म्याद थप्न एमाले र माओवादी बिच सहमति

सत्ता साझेदार एमाले र माओवादीबीच संविधानसभाको म्याद थप्ने सहमति भएको छ । सिंहदरबार स्थित माओवादी संसदीय दलको कार्यालयमा आज बसेको माओवादी र एमालेका शीर्ष नेताहरुको बैठकमा म्याद थप्ने विषयमा सहमति भएको हो । म्याद कति थप्ने भन्ने बारे प्रमुख प्रतिपक्षी कांग्रेससंगको छलफलपछि टुगो लगाइने सहमति भएको माओवादी उपाध्यक्ष नारायणकाजी श्रेष्ठले बताउनुभयो । दुई दलबीचको छलफलमा जेठ १४ भित्र संवैधानिक समितिमा रहेका विवादित मुद्दामा सहमति जुटाएर एकीकृत मस्यैदा तयारी गरी जनतामा लैजाने , सेना समायोजनाको मोडालिटिका सम्बन्धमा दलहरुबीच छलफल गरी सहमति कायम गर्ने सहमति भएको श्रेष्ठले बताउनुभयो ।

बैठकमा सरकारले ल्याउन लागेको शीघ्र बजेटका विषयमा पनि कांग्रेस लगायतका दलसंग छलफल गरी सहमति कायम गरेर बजेट ल्याउने  निर्णय भएको छ । बैठकमा प्रधानमन्त्री तथा एमाले अध्यक्ष झलनाथ खनाल, माओवादी अध्यक्ष प्रचण्ड,सहित दुवै दलका शीर्ष नेताहरुको सहभागिता थियो । संविधानसभाको म्याद सकिन अब २६ दिनमात्रै बांकी छ ।

शान्ति र संविधान निमार्णको आशा कायमै छ ः प्रधानमन्त्री झलनाथ खनाल

प्रधानमन्त्री झलनाथ खनालले शान्ति र संविधान निष्कर्षमा पुग्ने आशा जागेको बताउनुभएको छ ।
ललितपुरमा आदिबासी जनजाति उत्थान राष्ट्रिय प्रतिष्ठान सञ्चालक परिषदको आठौं बैठकलाई सम्बोधन गर्दै प्रधानमन्त्री खनालले संविधान निर्माण निष्कर्षमा पुग्नेमा सकारात्मक संकेत देखिएको बताउनुभयो ।

माओवादीले केन्द्रीय समिति बैठकबाट शान्ति र संविधानको कार्यदिशा पारित गरेको प्रति इंगित गर्दै प्रधानमन्त्री खनालले शान्ति र संविधानको कार्यभार पूरा हुनेमा आफू ढुक्क रहेको बताउनुभयो । आफूसं“गको कुराकानीमा माओवादी नेताहरुले शान्ति र संविधानप्रति पटक पटक प्रतिबद्धता जनाएको प्रधानमन्त्रीले जानकारी दिनुभयो । प्रधानमन्त्री खनालले सेना समायोजनको मोडालिटी र पुर्नस्थापनाको संख्या पनि छिट्टै टुंगो लगाइने जानकारी दिनुभयो । संविधान निर्माणमा दलहरुबीच खासै विवाद नरहेको चर्चा गर्दै उहांले राज्य पुर्नसंरचना, शासकीय स्वरुप र निर्वाचन प्रणालीमा विवाद रहेपनि राज्य पुर्नसंरचनामा अलि बढी समस्या देखिएको जानकारी दिनुभयो । अब संसोधन नहुने गरी संविधानसभाको अन्तिम तालिका बनाउनुपर्ने प्रधानमन्त्री खनालले बताउनुभयो । साना दलका चारजना सभासदको अवरोधका कारण संविधानसभाले आफ्नो काम अगाडि बढाउन नसकेको उहांले जानकारी दिनुभयो ।

प्रधानमन्त्री खनालले संक्रमणकाललाई पार लगाउन सार्थक आर्थिक क्रान्तिमा जानुको विकल्प नरहेको चर्चा गर्नुभयो । नयां बजेटमा आदिबासी जनजातिका समस्यालाई सम्बोधन गर्ने प्रधानमन्त्रीले प्रतिबद्धता जनाउनुभयो । कार्यक्रममा नेपाल आदिबासी जनजाति महासंघका अध्यक्ष राजकुमार लेखीले आदिबासी जनजातिलाई अधुरो संविधान स्वीकार्य नहुने बताउनुभयो । संविधानसभामा रहेका २८ वटा दलले संविधानसभालाई बन्धक बनाएको उहांको आरोप थियो । कार्यक्रममा नेपाल प्रज्ञा प्रतिष्ठानका अध्यक्ष तीलविक्रम नेम्वाङ र मानव अधिकारकर्मी पद्यमरत्न तुलाधरलाई सम्मान गरिएको थियो ।

सुचना र प्रविधी सरकारको प्राथमिकतामै छ ः संचारमन्त्री महरा

उपप्रधान एवम् सूचना तथा सञ्चारमन्त्री कृष्णबहादुर महराले सूचना प्रविधिको क्षेत्रलाई सरकारले विशेष प्राथमिकतामा राख्ने बताउनुभएको छ ।

कम्प्युटर एसोसिएसन अफ नेपाल क्यानले गरेको आइसीटी एक्सिलेन्स अवार्ड वितरण कार्यक्रममा सञ्चारमन्त्री महराले हातहातमा मोबाइल र घरघरमा इन्टरनेट अभियानलाई अझ परिमार्जित रूपमा अघि बढाउने बताउनुभयो । मन्त्री महराले नै अघिल्लोपटक सञ्चारमन्त्री रह“दा हातहातमा मोबाइल र घरघरमा इन्टरनेटको नारा सुरु गर्नुभएको थियो । उहा“ले अब हातहातमा मोबाइल, घरघरमा इन्टरनेट र गाउ“गाउ“मा ताररहित इन्टरनेट ब्रोडव्याण्ड अभियान सुरु गर्ने बताउनुभयो ।

नया“ प्रविधिमार्पmत पुरानो सोचलाई नया“ सोचमा ढाल्दै अघि बढ्नु आजको आवश्यकता रहेको उहा“को भनाइ थियो । क्यानले आज सूचना प्रविधि दिवसको अवसर पारेर विभिन्न तीन विधामा आइसीटी एक्सिलेन्स अवार्ड प्रदान गरेको छ । बिजनेस एक्सिलेन्स अवार्ड सञ्जीवराज भण्डारी, बेस्ट युजर ईन पब्लिक सेक्टर आन्तरिक राजश्व विभाग र प्राइभेट सेक्टरको अवार्ड काठमाडौं मोडल अस्पताललाई प्रदान गरिएको छ ।

कोरियन भाषा परीक्षा इपीएसको आवेदन खुला : कोरिया इपीएस

श्रम तथा यातायात व्यवस्था मन्त्रालय वैदेशिक रोजगार विभागले कोरियन भाषा परीक्षा इपीएसको आवेदन खुला गरेको छ । बैशाख १९ गते आजबाट खुला गरिएको आवेदन भर्ने अन्तिम म्याद भने बैशाख २२ गतेसम्म तोकिएको छ । फारम वितरण कीर्तिपुर, गौशाला र बालकुमारीमा बिहान ९ बजेबाट सा“झ ६ बजेसम्म हुने जनाइएको छ । फारमको शुल्क प्रति फारम १ हजार ७ सय १० रुपैया“ तोकिएको छ । वैदेशिक रोजगारमा दक्षिण कोरिया जानका लागि इपीएस परीक्षा अनिवार्य छ । श्रम तथा यातायात व्यवस्था मन्त्रालय वैदेशिक रोजगार विभागले इपीएसको आवेदन खुलाएको यो तेस्रोपटक हो । विभागका अनुसार यसपटक इपीएस कोटा ७ हजार १ सय ५० रहेको छ । आवेदन फारम भर्नका लागि देशभरका युवायुवतीहरू काठमाडौं आएका छन् ।

अन्तराष्ट्रिय समाचार

पाकिस्तानमा ओसामा बिन लादेनको अमेरिकाद्धारा सफाया

Osama  Bin Laden killed by Us Army

आतंकवादी संजाल अल कायदाका संस्थापक नेता ओसामा बिन लादेनको मृत्यु भएको छ । अमेरिकी अधिकारीहरुका अनुसार लादेनको शव  अमेरिकाको स्वामित्वमा रहेको छ । अमेरिकी राष्ट्रपति बाराक ओबामाले लादेनको मृत्युस“गै आतंकवाद विरुद्धको युद्धमा महत्वपूर्ण जीत हासिल भएको बताएका छन् । देशवासीलाई सम्बोधन गर्दै ओबामाले लादेनलाई मार्ने अमेरिकी गठबन्धन सेनाको निकै तारिफ गरेका छन् । अब विश्वमा शान्ति तथा स्थिरता कायम हुने विश्वास पनि ओबामाले लिएका छन् । आतंकवाद विरुद्धको युद्धमा सहयोग गर्ने सबै मित्र राष्ट्रहरुप्रति आभार व्यक्त गर्दै ओबामाले युद्धका क्रममा मारिएका सबै प्रति श्रद्धाञ्जलि प्रकट गरेका छन् ।

यसैबिच भारतले ओसामा बिन लादेन पाकिस्तानी राजधानी इस्लामाबादनजिकै मारिनुले पाकिस्तानले आतंकवादीलाई संरक्षण दिएको पुष्टि भएको बताएको छ ।

पाकिस्तानले विभिन्न्न आतंकवादी संगठनहरूलाई संरक्षण दिइरहेको भारतीय गृहमन्त्री पी. चिदम्बरणले आरोप लगाएका छन् । बिन लादेन पाकिस्तानको राजधानी नजिकै मारिनु भारतका लागि निकै चासोको विषय भएको चिदम्बरणको भनाइ छ । चिदम्बरणले पाकिस्तानलाई सन् २००८ मा भएको मुम्बई हमलामा संलग्नहरूलाई पक्राउ गर्न पनि आग्रह गरेको छ । भारतले मुम्बई हमलामा पाकिस्तानको लस्करे ए तोइबा नामक संगठनको हात रहेको दाबी गर्दे आएको छ । यसैबीच लादेनको मृत्युपछि विश्वभरबाट प्रतिक्रिया आउनेक्रम जारी छ । लादेनको मृत्युले इराक निकै खुसी भएको इराकी विदेशमन्त्री होसार जेवरीले बताएका छन् । बिन लादेनको सिद्धान्तमा लागेर धेरै इराकीले ज्यान गुमाएको भन्दै जेवरीले लादेनको मृत्यु इराकका लागि खुशीको क्षण भएको प्रतिक्रिया दिएका छन् । यसैगरी अमेरिकी पूर्वराष्ट्रपति जर्ज डब्लु बुसले लादेनको मृत्यु अमेरिकी जनताको जीत भएको बताएका छन् । अर्का अमेरिकी पूर्वराष्ट्रपति बिल क्लिन्टनले लादेनको मृत्यु शान्ति र स्वतन्त्रता चाहने सबैका लागि खुसीको कुरा भएको बताएका छन् । अफगानी राष्ट्रपति हमिद कारजाईले लादेनको मृत्युस“गै आतंकवादको अन्त्य हुने आशा व्यक्त गरेका छन् । पाकिस्तानी प्रधानमन्त्री युसुफ राजा गिलानीले सैनिक अपरेसनमा भाग लिएकाहरूलाई बधाई दि“दै लादेनको मृत्यु एक ठूलो विजय भएको बताएका छन् । बेलायती प्रधानमन्त्री डेभिड क्यामरूनले पनि लादेनको मृत्युपछि आतंकवादको सञ्जाल ध्वस्त हुने अपेक्षा गरेका छन् । तर फ्रान्सेली राष्ट्रपति निकोलस सार्काेजीले भने आतंकवादले ऐतिहासिक धक्का बेहोरेको भएपनि यो घटनाले आतंकवादको समूल अन्त्य भने नहुने दाबी गरेका छन् । इजरेली प्रधानमन्त्री बेन्जामिन नेतान्याहुले लादेनको मृत्यु न्याय र स्वतन्त्रताको जीत भएको बताएका छन् । रूसले आतंकवादविरूद्धको युद्धमा अमेरिकाले हासिल गरेको सफलताको स्वागत गर्दै सबै आतंकवादीहरूले यही नियति भोग्ने दाबी गरेको छ ।

खेल समाचार

‘ए’ डिभिजन लिग फुटबल

राजधानीमा जारी सहिद स्मारक रेडबुल ‘ए’ डिभिजन लिगमा मनाङ मस्र्याङ्दी र नेपाल पुलिस विजयी भएका छन् ।

विजयी सुरुवात गर्ने क्रममा मनाङले नवप्रवशी युनाइटेड युथलाई ५–० ले पराजित ग¥यो । मनाङको जितमा सन्तोष साहुखल नायक सावित भए । सन्तोषले मनाङलाई सानदार जित दिलाउने क्रममा ह्याट्रिक पूरा गरेका थिए । सन्तोषले खेलको १६औं, ३७औं र ६४औं मिनेटमा गोल गर्दै ह्याट्रिक पूरा गरेका थिए । यस्तै खेलको ७१औं मिनेटमा सुजल श्रेष्ठले गोल गर्दै मनाङको अग्रता अझ फराकिलो पारेका थिए । मनाङका विजय गुरुङले खेलको ७३औं मिनेटमा गोल गर्दै खेललाई ५–० को स्थितिमा ल्याएका थिए । यो खेलको समाप्तिस“गै सबै टोलीले एक–एक खेल पूरा गरेका छन् । पहिलो चरणका खेलहरू सकि“दासम्ममा पहिलोपटक ‘ए’ डिभिजनमा पुगेका हिमालयन शेर्पाबाहेक अन्य टोलीले नराम्रो हार ब्यहोरेका छन् । राष्ट्रिय खेलाडीहरूको साथ पाएको शेर्पाले मछिन्द्रलाई ३–१ ले हराएको थियो । यता अन्य नवप्रवशी टोलीले भने गोलको खातासमेत खोल्न सकेका छैनन् । प्रतियोगिता अन्तर्गत आजै भएको दोस्रो खेलमा नेपाल पुलिस क्लबले नवलपरासीको कोइलापानी पोलस्टार क्लबलाई ४–० ले पराजित गरेको छ । कोइलापानीले पुलिसलाई पहिलो हाफसम्म कुनै गोल गर्न दिएको थिएन । तर दोस्रो हाफ सुरु भएलगत्तै पुलिसले गोलको खाता खोल्यो । पुलिसका लागि भरत खवासले ४८औं मिनेटमा, जुमानु राईले ४३औं र ५५औं मिनेटमा तथा भोला सिलवालले ८१औं मिनेटमा गोल गरेका थिए । यस अघि बौद्धलाई चार गोल गरिसकेका जुमानुले जारी लिगमा ६ गोल गरिसकेका छन् ।