चैत्र २ गते २०६७

सर्वोच्च अदालतद्वारा कागे्रस नेता वाग्लेलाइ जेल चलानगर्न आदेशः

सर्वोच्च अदालतले भष्ट्राचार मुद्दामा कागे्रस नेता एवं पूर्बमन्त्री चिरञ्जिवी वाग्लेलाइ दुइ करोड तीन लाख विगो सहित डेढ्बर्ष थुनामा राख्न आदेश दिएको छ । प्रधानन्यायाधीश रामप्रसाद श्रेष्ठ र न्यायाधीश खिलराज रेग्मीको संयुक्त इजालसले भष्ट्राचार मुद्धामा वाग्लेलाइ डेड् बर्ष थुनामा राख्न आदेश दिएको हो । स्रोत नखुलेको अकुत सम्पत्ति जम्मागरी भष्ट्राचार गरेको अभियोगमा अख्तियार दुरुपयोग अनुसन्धान आयोगले विशेष अदालतमा मुद्धा दायर गरेको थियो । विशेष अदालतले २ करोड ७५ लाख जरीवाना सहित अढाइ बर्ष थुनामा राख्ने सजाय सुनाएपछि वाग्लेले विशेष अदालतको फैसला विरुद्ध २०६१ सालमा सर्वोच्च अदालतमा मुद्दा दायर गरेका थिए ।

सर्वोच्चले वाग्लेका छोरा देवेन्द्रलाइ भने सफइ दिएको छ । स्रोत नखुलेको सम्पत्ति जम्मागरेको अभियोगमा १ बर्ष तथा सार्वजानिक ओहोदामा रहेको व्यक्तीले भष्ट्राचार गरेकोले थप छ महिना थुनामा राख्न सर्वोच्चले आदेश जारी गरेको हो । कागे्रस सरकारमा रहदा वाग्ले पटक÷पटक मन्त्री बनेका थिए ।

सुडान घोटालाको प्रतिवेदन कार्वाहीकालागि अख्तियारमाः

सरकारले सुडानको डार्फरमा खटिएको नेपाल प्रहरीकालागि बन्दोबस्तीका सामान खरिदमा भएको भष्ट्राचार सम्बन्धी प्रतिवेदन कार्वाहीकालागि अख्तियारमा पठाउने निर्णय गरेको छ । मन्त्रीपरिषदको आज बसेको बैठकले बहुचर्चित सुडान घोटालाको छानविन प्रतिवेदन कार्वाहीकालागि अख्तियारमा पठाउने निर्णइ गरेको सरकारका प्रवक्ता गंगालाल तुलाधरले जानकारी दिनुभयो । सुडानमा खटिएको प्रहरीकालागि एपीसी लगायत बन्दोबस्तिका सामान खरिदमा झण्डै ३० करोड अनियमितता भएको संसदीय समितिको छानविनले देखाएको थियो ।

सरकारले बन पूर्व न्यायाधीश गोविन्द पराजुलीको संयोजकत्वमा गठित फडानि छानविन आयोगको प्रतिवेदन पनि कार्वाहीकालागि खख्तियारमा पठाउने निर्णइ गरेको छ । पूबबर्ती सरकारले अनियन्त्रित बन फडानि सम्बन्धमा छानविनगर्न गत साउनमा उक्त आयोग गठन गरेको थियो । सरकारले नेपाल पर्यटन बर्षको स्मरण स्वरुप रु एक हजार बराबरका चादी र ५० का अन्य धातुका सिक्का प्रकासन गर्ने समेत निर्णय गरेको छ ।
सरकारले संगठित अपराध नियन्त्रण सम्बन्धी ऐन संसदमा पठाउने तथा शान्ति समितिको म्याद आगामी बर्षको पौष मसान्त सम्म थपगर्ने निर्णय गरेको प्रवक्ता तुलाधरले जानकारी दिनुभयो ।

प्रचण्ड सिंगापुर प्रस्थान

एकीकृत माओवादीका अध्यक्ष पुष्पकमल दाहाल प्रचण्ड आज अचानक सिंङ्गापुर प्रस्थान गर्नुभएको छ । सिल्क एअरको विमान मार्फत अध्यक्ष प्रचण्ड आज अपरान्ह त्यसतर्फ प्रस्थान गर्नुभएको हो । सिंगापुरमा उहाँ कुन कार्यक्रममा जानु भएको भन्नेबारे भने केहि पनि खुलाइएको छैन । यद्यपि यसअघि उहाँलाई मलेसिया बोलाउँने चिनियाँ संस्था एसिया प्यासिफिक फाउन्डेसनको निमन्त्रणामा उहाँ त्यसतर्फ जानु भएको श्रोतले बताएको छ । भ्रमणका क्रममा उहाँले राजनीतिक भेटवार्ता समेत गर्न सक्ने बताइएको छ । अध्यक्ष प्रचण्ड आगामी शुक्रबार स्वदेश फर्कनु हुने कार्यक्रम रहेको छ ।

न्यायाधीहरुद्वारा संवैधानिक इजालसको व्यबस्था गर्न सुझावः

काठमाण्डौ, चैत्र २ । सर्वोच्च अदालतका न्यायाधीशहरुले प्रस्तावित संवैधानिक अदालतको सट्टा सर्वोच्च अदालत भीत्रै संवैधानिक इजालशको व्यबस्थागर्नु उपयुक्त हुने धरणा राखेका छन । संविधानसभा संवैधानिक समिति अन्तरगत गठित विबाद उपसमिति बैठकमा न्यायाधीशहरुले नयाँ संविधानमा संवैधानिक अदालत गठन नभएको बताएका हुन् । बैठकपछि न्यायाधीश कल्याण श्रेष्ठले प्रधान न्यायाधीश लगायत सबैले सर्वोच्च अदालत भीत्रै संवैधानिक बेञ्च खडागर्नु उपयुक्त हुने धारणा राखेको जानकारी दिनुभयो । सर्वोच्च अदालतको विकल्प खोज्नु भन्दा भएको संरचनालाइ सुधार गर्नु उपयुक्त हुने धारणा राखेको न्यायाधीश श्रेष्ठले बताउनुभयो ।

उपसमितिमा माओवादीका सहयोगि सदस्य खिमलाल देवकोटाले संवैधानिक अदालतवारे न्यायाधीशहरुको धारणा सुन्ने काम भएको बताउनु भयो । न्यायाधीशहरुले संवैधानिक अदालत गठनगर्दा सर्वोच्च अदालतसंग क्षेत्राधिकार बाझिने भन्दै संवैधानिक वेञ्च गठनगर्नु उचित हुने बताएका देवकोटाले जानकारी दिनुभयो । बैठकमा प्रधान न्यायाधीश रामप्रसाद श्रेष्ठ तथा न्यायाधीहरु खिलराज रेग्मी, कल्याण श्रेष्ठ, दामोदर प्रसाद शाह र प्रकाश वस्ती उपस्थित हुनुहुन्थ्यो ।

‘सर्वोच्च अदालतले के कमजोरी ग¥यो र नयाँ संयन्त्रमा जानु प¥यो, न्यायाधीको भनाइ उदृद्धगर्दै एक सदस्यले भने–यसले झनै संवैधानिक जटिलता ल्याउने खतरा रहन्छ ।’ संवैधानिक अदालतको व्यबस्था दक्षिण एसियाली मुलुकमा कहिपनि नभएकोले नेपालमा संवैधानिक अदालतको बाञ्छनियता नदेखिएको न्यायाधीश श्रेष्ठले बताउनुभयो ।

यसअघि संवैधानिक समिति अन्तरगतको उपसमितिले संविधानको अन्तिम व्यख्या तथा प्रदेशहरुवीच उत्पन्न हुनसक्ने विबाद समाधानगर्न सर्वोच्च अदालतका प्रधानन्यायाधीशको अध्यक्षतामा संवैधानिक अदालत गठन गर्ने निर्णय गरेको थियो । उपसमितिको आर्को बैठक आगामी ८ गते मात्र बस्ने भएको छ ।

समूहगत समायोजन असम्भव—रक्षामन्त्री

रक्षामन्त्री विष्णु पौडेलले माओवादी लडाकुहरुको नेपाली सेनामा समूहगत समायोजन असम्भव रहेको बताउनुभएको छ । सेनामा समायोजन हुन चाहने लडाकुहरुले सेनाको प्रचलित मापदण्ड पूरा गर्नैपर्नै भन्दै रक्षामन्त्री पौडेलले ब्यक्तिगत क्षमता मापन नगरी समायोजन गर्न नसकिने स्पष्ट पार्नुभयो । राजधानीमा आज आयोजित साक्षात्कारमा बोल्दै पौडेलले समायोजनको अर्थ राज्इको तीनवटा सुरक्षा निकायमा समावेश गर्नै रहेको भन्दै सात बुदै सहमतीमा उल्लेख भएजस्तो छुट्टै फोर्स बनाउनु आवश्यक नरहेको दावी गर्नुभयो । समायोजन भनेको सुरक्षा अङगमा मिसाउने हो,नयाँ फोर्स बनाउने होईन—पौडेलले भन्नुभयो । दलहरुबीच शिविरमा रहेका लडाकुहरुको समायोजन प्रक्रिया अघि बढाउन आवशयक जनशक्ती परिपुर्ती गर्नै सहमती भईसकेको खुलासा गर्दै मन्त्री पौडेलले माओवादी लडाकुहरु विशेष समितीको नियन्त्रणमा नै रहेको दावी गर्नुभयो ।

भारतीय आर्शिवाद लिन मधेशी नेताहरु दिल्लीमाः

नेपालको विकसित पछिल्लो राजनीतिक घटनाक्रमको समिक्षागर्न संयुक्त लोकतान्त्रिक मधेशी मोर्चामा आबद्ध तीनदलका अध्यक्ष आज भारतको राजधानी नयाँ दिल्ली प्रस्थान गरेका छन । नेपालमा वामपन्थी गठबन्धनको सरकार गठन भएपछि लोकतान्त्रिक मोर्चाको लविङ गर्न प्रमुख तीन मधेशी दलका नेताहरु मधेशी जनअधिकार फोरम लोकतान्त्रिकका अध्यक्ष बिजय कुमार गच्छादार, तराई मधेश लोकतान्त्रिक पार्टीका अध्यक्ष महन्थ ठाकुर र सदभाबना अध्यक्ष राजेन्द्र महतो दिल्ली गएका हुन । नेताहरुले नेपालको शान्ति प्रक्रिर्या र संविधान निर्माण प्रक्रिर्यावारे भारतीय नेताहरुसंग छलफल गर्ने बताएका छन ।

भारत प्रस्थान गर्नुपूर्व त्रिभुवन विमानस्थलमा आयोजित पत्रकार सम्मेलनमा गच्छेदारले भारतीय सरकारको निमन्त्रणमा आफुहरु भारत जान लागेको र नेपालको पछिल्लो घटनाक्रमवारे भारतीय अधिकारीसंग सामूहिक छलफल हुने बताउनुभयो । वर्तमान सरकार विरुद्ध मोर्चाबन्दी गर्न आफूहरु भारत जान लागेको नभएपनि प्रधानमन्त्री निर्वाचनका क्रममा भएको सातबुदे सहमतिमा ‘जन संविधान’ लेख्ने कुरा उल्लेख रहेकोले गठबन्धनमा शंका गर्ने ठाउ रहेको उहाँले दावी गर्नुभयो । भारतमा रहदा उहाँहरुले प्रधानमन्त्रि मनमोहन सिंह, कांग्रेश आईकी अध्यक्ष सोनिया गान्धी लगायतका नेताहरुसँग भेटवार्ता गर्ने कार्यक्रम रहेको छ । उच्च स्रोतका अनुसार भारतीय मध्यस्थतामा तराइमा हिंसात्मक आन्दोलन चलाइ रहेका नेताहरुसंग समेत प्रमुख तीन नेताको भेटवार्ता हुने छ ।

काँग्रेशद्धारा देशभर श्रद्धाञ्जली सभाको आयोजना

काठमाडौ, २ चैत्र । नेपाली काँग्रेशले पार्टीका सस्थापक नेता तथा पूर्वप्रधानमन्त्री कृष्णप्रसाद भट्टराईको निधनको १३ औं दिनको पुण्यतिथीमा आज देशभर श्रद्धाञ्जली सभाको आयोजना गरी स्मरण गरेको छ । कङग्रेस केन्द्रीय समिति र काठमाण्डौ, भक्तपुर र ललितपुरका जिल्ला समितिको आयोजनामा राजधानीको खुल्लामञ्चमा सयुक्त श्रद्धाञ्जलीसभाको आयोजना गरिएको थियो । श्रद्धाञ्जलि सभालाई समबोधन गर्दै विभिन्न दलका नेताहरुले भट्टराईलाई निस्वार्थ राजनीतिको पुन्जका रुपमा सम्झना गरेका छन् ।

काँग्रेस सभापती सुशील कोईरालाले भट्टराइको योगदान को देश र विदेश सबैले अनुसरण गर्नुपर्ने बताउनुभयो । सहमती, सहकार्य, एकता र मेलमिलापबाट मात्र मुलुकका समस्या समाधान हुने उल्लेख गर्दै कोइरालाले लोकतन्त्र र शान्तिका बिरुद्ध हुने कुनै पनि कुरा काँग्रेसलाई स्वीकार्य नहुने बताउँनुयो ।

एमाले र माओवादी अध्यक्षबीच भएको ७ बुँदे सहमती प्रति लक्षित गर्दै उहाँले प्रजातन्त्रका बिरुद्ध भएको सहमती तत्काल खारेज हुनुपर्नेमा जोड दिनुभयो । काँगे्रस वरिष्ठ नेता शेरबहादुर देउवाले स्वर्गीय भट्टराईको अहिंसावादी योगदानको चर्चा गर्दै नेपालका सम्पूर्ण समस्याको समाधान शान्तीपूर्ण तरिकाबाट गरिनु पर्ने बताउँनु भयो । यस्तै काँग्रेस संसदिय दलका नेता रामचन्द« पौडेलले बाहिर हल्ला भएजस्तो काँग्रेसले कहिलेपनि स्वर्गीय भट्टराईलाई अपमान नगरेको स्पष्ट पार्नु भयो । पछिल्लो समयमा स्वर्गीय भट्टराई पार्टीबाट अलग भएपनि काँग्रेसले उहाँलाई सदैव सम्मान गरेको उल्लेख गर्नुभयो ।

श्रद्धान्जली सभामा माओवादी,राजपा,राप्रपा,नेकपा माले,राप्रपा नेपाल लगायतका दलका नेताहरुको पनि उपस्थिती रहेको थियो । यस्तै अन्य जिल्लाहरुमा पनि विभिन्न कार्यक्रमहरुको आयोजना गरी भट्टराईको सम्झना गरिएको खबर प्राप्त भएको छ ।

पारस मुद्या लम्बियो
टाइगर टप्स गोलीकाण्डमा मुद्धा खेपिरहेका पूर्वयुवराज पारश शाहको मुद्धा फेरि लम्बिएको छ । जिल्ला प्रशासन कार्यालय चितवनले मुद्धाको अर्को तारेख चैत्र ८ गतेलाई तोकेको छ । मुद्धाका वादी रुवेल चौधरी जिल्ला प्रशासनमा बयानका लागि उपस्थित नभएकाले आज पनि मुद्धाको छिनोफानो हुन नसकेको हो । प्रमुख जिल्ला अधिकारी बसन्तराज गौतमले पारसको अर्को तारेख चैत्र ८ गते तोकिएको जानकारी दिनुभयो । यस्तै एकहप्ताभित्र रुवेल चौधरीलाई प्रशासन कार्यालयमा बयानका लागि झिकाउन प्रहरीलाई आदेश समेत दिएको छ । आजको पेशीका लागि पारस भने उपस्थित थिएनन् । पारस उपस्थित नभएपनि मुद्धा अघि बढाउन कुनै बाधा नपर्ने भएकाले उनी उपस्थित नभएको उनका सहयोगीले बताए । शाहविरुद्ध गत मंसिर २५ गते चितवनको टाईगर टप्स होटलमा कांग्रेस नेत्री सुजाता कोइरालाका ज्वाइ बंगलादेशी नागरिक रुवेल चौंधरीमाथि गोली चलाएको बिषयमा मुद्धा चलिरहेको छ । शाहलाई गत मंसिर २८ गते पक्राउ गरि पौष १ गते १० हजार धरौंटी र तारेखमा रिहा गरिएको थियो । उनी गत फागुन १९ गते तारेख धाउन चितवन आएका थिए ।


डिजिटल नम्बरप्लेट परिवर्तन गर्न पुनः एक महिना थप

काठमाडौँ, २ चैत । महानगरीय ट्राफिक प्रहरी काठमाण्डौँले चैत मसान्तपछि डिजिटल नम्बरप्लेट भएका सवारीसाधनलाई उपत्यकाको सडकमा गुड्न पूर्णरूपमा प्रतिबन्ध लगाउने जनाएको छ । यसअघि फाल्गुन मसान्त सम्ममा डिजीटल नम्बरप्लेट हटाउने भनिएपनि सो म्याद बढाएर चैत्र मसान्त सम्म पु¥यायएको हो । अहिले यस्ता नम्बरप्लेट परिवर्तन गर्न २० प्रतिशत सवारीसाधन मात्र बाँकी रहेको र चैत मसान्तभित्र सबै सवारीधनीले नम्बरप्लेट परिवर्तन गरिसक्ने महानगरीय ट्राफिक प्रहरी कार्यालयका प्रवक्ता प्रहरी उपरीक्षक जगतमान श्रेष्ठ बताउनुभयो । डिजिटल नम्बरप्लेट चर्को उज्यालोमा टल्किएर नदेखिने र दुर्घटना गराएर भाग्ने सवारीसाधनलाई नियन्त्रणमा लिन कठिन हुने भएकाले नम्बरप्लेट फेर्नुपरेको ट्राफिक प्रहरीको भनाई छ ।

अन्तर्राष्ट्रिय समाचार

जापानको भूकम्पमा मृत्यु र क्षती

टोक्यो, २ चैत । गत मार्च ११ मा जापानको उत्तरपूर्वी समुद्री किनारामा ९ रेक्टर स्केलको भूकम्प गएपछि आएको सुनामीका कारण मृतयु तीन हजार ६ सय ७६ पुगेको छ । हालसम्म सात हजार पाँचसय ५८ जना हराइरहेका र एक हजार नौसय ९० जना घाइते भएका जापानी अधिकारीहरुलाई उदृत गर्दै प्रहरीले जनाएको छ ।

दुर्घटना प्रभावितहरूमध्ये पाँच लाख ५६ हजार एकसय ३२ जनाको उद्धार गरिएको कुरा आगलागी तथा प्रकोप व्यवस्थापन निकायले जनाएको छ । सुनामीका कारण छ लाख २१ हजार ४३९ घरमा अन्धरकारमय भएको बताइएको छ । असी हजार चारसय २२ भवनहरू क्षति भएका छन् भने चार हजार सातसय ९८ वटा भवन ध्वस्त भएका पनि जनाइएको छ ।

यसैबिच जापानमा शाक्तिशाली भुकम्प पछि आएको सुनामीले क्षतिपु¥याएको  परमाणु सयन्त्रमा आज बिहान पुन आगो लागेको छ । फुकुशियमा दायची संयन्त्रको ४ नम्बरको रिएक्टरमा आगो लागेको होे । आगोलाई तत्कालै दमकलको सहायतामा नियन्त्रणमा लिइएको थियो ।

यस परमाणु सयन्त्रमा यस अघि चार पटक बिष्फोट भई सकेको छ जसको कारण फैलिएको बिकिरणले मानब स्बास्थमा खतरा उत्पन्न गराएको छ । अधिकारीले परमाणु सयन्त्र भएको स्थान देखि २० देखि ३० किलोमिटर भन्दा नजिक नजान र घरमै बस्न सल्लाह दिएका छन । जापानको आसपासमा बिकिरणको खतरा रहेको भन्दै केहि एयरलाइन्सहरुले टोकियोमा आफना उडान सेवा बन्द गरेका छन ।

यता जापानी सम्राट अकिहितोले गत शुक्रबार आएको भुकम्प सुनामीका कारण देशमा बढेको संकटप्रति चिन्ता प्रकट गर्नुभएको छ । अकिहितोले आज एक टेलिभिजन च्यानलमार्फन देशबासीलाई सम्बोधन गर्दै यस घटनाबाट आफु चिन्तित भएको बताउनुभयो । सम्राट अकिहितोले टेभिजनमार्फत पहिलोपटक सम्बोधन गर्नुभएको हो ।  यसरी स्रमाटले सार्वजानिक रुपमा आफ्नो अभिव्यक्ति दिनु जापानमा असाधारण मानिन्छ ।

खेल समाचार

विश्वकप क्रिकेट

विश्वकप क्रिकेटक्ँे उपाधि दाबेदार मानिएको अस्टे«लिया र क्यानडाबिचको  प्रतिस्पर्धामा अष्टे«लियाले बाजी मारेको छ । भारतको बैंग्लोरस्थित चेन्नास्वामी स्टेडियमा भएको खेलमा २१२ रनको चुनौति पाएको अष्टे«लियाले क्यानाडालाई ७ विकेटले पराजीत गर्दै जीत आफ्नो पक्षमा पारेका हो । टस जितेर पहिले व्याटिङको गरेको क्यानाडाले असिस टोलीलाई जितका लागि २१२ रनको लक्ष्य प्रस्तुत गरेकोमा अष्टे«लियाले ३४ दशलब ५ ओभरको समाप्तीमा मात्र ३ विेकट गुमाएर निर्धारित लक्ष हासिल गरेको हो ।