माघ ०२ गते २०६७

प्रचण्डको नेतृत्वमा सरकार बनाउन पहलगर्ने माओवादी निर्णय

UCPN Maoist Leader Pushpa Kamal Dahal "Prachanda"

एकीकृत नेकपा माओवादीले पार्टि अध्यक्ष पुष्पकमल दाहाल प्रचण्डलाइ सहमतीय स्वरुपको सरकार गठनका लागी प्रधानमन्त्रीको उमेद्धार बनाउने निणर्य गरेको छ । माओवादीको आज बसेको स्थायी समिती बैठकले प्रमुख दलको हैसियतले आफ्नै पार्टीका अध्यक्ष पुष्पकमल दाहाल प्रचण्डको नेतृत्वमा राष्ट्रिय सहमतिको सरकार गठन गर्न पहललाइ जारी राख्ने निणर्य गरेको हो । 

विकसित राजनीतिक घटनाक्रमको समिक्षागर्न कोटेश्वर स्थीत पार्टि मुख्यालयमा बसेको बैठकले प्रचण्ड कै नेतत्वमा राष्ट्रिय सहमतिको सरकार गठनको पहलगर्ने निर्णय गरेको बैठकपछि माओवादी प्रवक्ता दीनानाथ शर्माले जानकारी दिनुभयो । 

यसैबिच माओवादीले पार्टिको जनसेनालाइ विषेश समिती मातहतमा ल्याउने निणर्य गरेको छ । माओवादीले सरकार निमार्ण, सदन र पार्टिका कार्यक्रमको अनुकुलता हेरी सार्वजनिक समारोह बिच विषेश समिती मातहल लडाकु लैजाने निणर्य गरेको हो । माओवादीले अन्मिनको अनुपस्थितिमा उसले गर्दै आएका काम विशेष समिति गर्ने सम्बन्धमा भएको सहमति शान्ति प्रक्रिर्याको महत्वपूर्ण कदम भएको समेत निष्कर्ष निकालेको छ । 

‘अनमिनको बहिर्गमनपछि उत्पन्न शान्तिप्रक्रियासम्बन्धी संकटलाई उचित ढंगले सम्बोधन र समाधान गर्न पार्टीले लिएको पहलकदमी र समाधानको उच्च मूल्याकन गर्दै त्यसले राष्ट्रिय संकटलाई सम्बोधन गर्न सफल रहेको वैठकको निष्कर्ष रहेको बैठकपछि माओवादी प्रवक्ता शर्माद्वारा जारी विज्ञप्तीमा उल्लेख छ । 

माओवादीले सरकार निर्माण कार्यक्रमले पार्टीको आन्तरिक प्रशिक्षण लगायतका संगठनात्मक कामलार्ई प्रभावित नगर्ने ठहर गर्दै पूर्वनिर्धारित तालिका अनुसार सम्पन्न गर्ने निर्णय गरेको छ । 

राष्ट्रिय झण्डाको स्वरुप परिवर्तन नगर्न तीनदल सहमत

Nepali Flag Original

काठमाडौं, माघ २ । नयाँ संविधानमा राष्ट्रिय झण्डाको स्वरुप परिवर्तन नगर्न प्रमुख तीनदल सहमत भएका छन् । साथै दलहरुबीच राष्ट्रिय पार्टीको मान्यताकालागि निर्वाचनमा तीन प्रतिशत मत ल्याउनु पर्ने प्रस्तावित व्यबस्था नराख्न समेत मोटामोटि सहमति भएको छ । संविधानसभा सचिवालय सिंहदरबारमा आज विहान बसेको एकीकृत नेकपा माओवादी, नेपाली काङ्ग्रेस र नेकपा एमालेका शीर्ष नेताहरुको बैठकमा विद्यमान राष्ट्रिय झण्डाको स्वरुप परिवर्तन नगरी ब्याख्या मात्र थप गर्ने सहमति जुटाएको हो । 

दलहरुले विद्यमान राष्ट्रिय झण्डाको स्वरुप र रङ यथावत राख्दै भावि संविधानमा परिवर्तन सुहाउँदो ब्याख्या गर्ने सहमति भएको बैठकपछि कांग्रेस संसदीय दलका नेता रामचन्द्र पौडेलले जानकारी दिनुभयो । 

यसअघि माओवादीले मुलुक लोकतान्त्रिक गणतन्त्रात्मक व्यवस्थामा प्रवेश गरिसकेको अबस्थामा राष्ट्रिय झण्डाको स्वरुप समेत परिवर्तन गर्नुपर्ने बताउँदै आएको थियो । अन्तराष्ट्रिय रुपमा स्थापित झण्डालाइ यथावत राखी परिवर्तनलाइ संवोधन गर्ने गरी व्याख्या गर्ने सहमति भएको एमाले सभासद अग्नी खरेलले जानकारी दिनुभयो । 

यसैगरी दलहरुबीच निर्बाचनमा तीन प्रतिशत मत ल्याउने राजनीतिक दललाई मात्र राष्ट्रिय दलको मान्यता दिनुपर्ने प्रसतावित मापदण्ड समेत नरख्ने सहमति भएको छ । सबैको विचारलाइ संवोधन गर्न तीन प्रतिसतको मापदण्ड नराख्न सहमति भएको पौडेलले बताउनुभयो । 

संविधानसभाका अधिकाशं सना दल तीन प्रतिसतको मापदण्डको विपक्षमा रहेका थिए । आज भएका सहमति भोली बस्ने २८ दलको बैठकमा लगेर टुङ्गो लगाइने उहाँले बताउनुभयो । संविधानको नाम ‘संघीय लोकतान्त्रिक गणतन्त्र नेपालको संविधान–२०६८’ राख्ने बिषयमा पनि सहमति नजिक पुगिएको नेताहरुले बताएका छन । 

माओवादीद्वारा अन्मिनको औपचारिक विदाइः राष्ट्रपतिको बिदाइ भेट

माओवादी अध्यक्ष प्रचण्डले नेपालको शान्ति प्रक्रिया र संविधान निर्माण प्रक्रिया अधुरै रहेको अवस्थामा अनमिनलाई विदाई गर्नु पर्दा आफुलाई दुख लागेको बताउनुभएको छ । अनमिनलाई विदाई गर्न पार्टीले गरेको दिवाभोज कार्यक्रममा अध्यक्ष प्रचण्डले संविधानसभाको निर्वाचन र शान्ति प्रक्रियालाई यहॉसम्म ल्याई पु¥याउन अनमिनको महत्वपूर्ण भूमिका रहेको बताउनुभयो ।  

President of Nepal DR. Yadav

कार्यक्रममा अनमिन प्रमुख लनग्रेनले भने सरकारमा सहभागी दलहरुले अनमिन एकपक्षिय भयो भनेर लगाएको आरोप प्रति गुनासो पोख्नुभयो । लनग्रेनले जनतासँग विगतमा गरेका प्रतिबद्धता पुरा गर्न दलहरुलाई आग्रह समेत गर्नुभयो । विगतमा गरिएका प्रतिबद्धताहरु सहज रुपमा पुरा गर्न सक्ने अवस्था नरहेकोले दलहरु गम्भीर हुनुपर्ने लनग्रेनको भनाइ छ । माओवादीले नेपालको जारी शान्ति प्रक्रियामा अनमिनले खेलेको भूमिकाको प्रशंसा गर्दै पार्टीको तर्फबाट धन्यवादसहित विदाई गरेको हो । विदाई कार्यक्रममा माओवादी अध्यक्ष प्रचण्ड सहितका प्रभावशाली नेता र राष्ट्रसंघका विशेष प्रतिनिधि स्यामुअल ताम्राट, अनमिन प्रमुख लनग्रेन, संयूक्त राष्ट्रसंघ सुरक्षा परिषदका सदस्य राष्ट्रहरु अमेरिका, बेलायत, फ्रान्स, बेलायत र चिनका नेपालका लागी राजदुतहरुको उपस्थिति थियो । 

कार्यक्रममा माओवादी अध्यक्ष प्रचण्डले अनमिन प्रमुख सहित सबै प्रतिनिधिहरुलाई धन्यवाद सहित खादा ओढाएर विदाई गर्नुभएको थियो । प्रधानमन्त्रीसँग यसअघि नै विदाई भेट गरिसक्नु भएकी ल्यानग्रेन आज राष्ट्रसंघीय मुख्यालय न्यूयोर्क फर्कने कार्यक्रम छ । बृहद शान्ति सम्झौतापछि दलहरुले सहमतिमा जारी शान्ति प्रक्रियालाई अनुगमन गर्न स्वतन्त्र निकायको रुपमा चारबर्ष अघि अनमिनलाई नेपाल बोलाएका थिए । पछिल्लो समयमा सरकारले अनमिनको म्याद नथप्ने निर्णय गरेपछि अनमिन शान्ति प्रक्रियालाई विचैमा छाडेर फर्किन लागेको हो । अनमिन जाने निश्चित भएपछि दुई दिन अघि सरकार र माओवादीले लडाकु र हतियारको अनुगमनको जिम्मा सेना समायोजन विशेष समिति मातहतको सचिवालयलाई दिने सहमति गरेका थिए । 

अनमिनको विदाईपछि सेना समायोजन विशेष समितिले अनमिनको कामको जिम्मेवारी सम्हालेको छ । नेपाली सेना, स–शस्त्र प्रहरी, नेपाल प्रहरी र लडाकुका दुई दुई प्रतिनिधि रहेको अनुगमन समितिले सेना र हतियारको अनुगमन कार्य सुरु गरिसकेको छ ।

यसअघि आजै राष्ट्रपति डा रामवरण यादवले समते लनग्रेन सँग विदाइ भेट गर्नु भएको थियो । राष्ट्रपति कार्यलय शितल निवासमा भएको भेटमा राष्ट्रपति यादवले अनमिनले शान्ती प्रक्रियामा पु¥याएको योगदानको कदर गर्नु भएको थियो । भेटमा अनमिन प्रमुख लनग्रेनले राष्ट्रपति यादवलाइ शान्ती प्रक्रियकाका बाँकी काम सम्पन्न गर्न अविभावकको भूमिका निर्वाह गर्न सल्लाह दिनु भएको थियो । 

यसैबीच झापाको तोपगाछी र इलामको चुलाचुलीस्थित माओवादी जनसेनाको प्रथम डिभिजन मुख्यालयमा रहेको अनमिनको टोलीलाई आज लडाकुहरुले औपचारिक  बिदाइ गरेका छन् ।  चुलाचुलीस्थित माओवादी सेनाको शिविरको अनुगमन गर्दै आएको टोलीले सेना समायोजन विशेष समितिका आठ सदस्यीय टोलीलाई आजै जिम्मेवारी हस्तान्तरण गरेपछि उनीहरुलाइ लडाकुहरुले विदाइ गरेका हुन् । अनमिनको बिदाइपछि विशेष समितिले आफ्नो काम सुरु गरेको छ । विशेष समितिका सदस्यहरुले माओवादीका कमान्डर र लडाकुसँग अन्तरक्रिया र परिचायात्मक कार्यक्रमसमेत गरेको थियो ।

दाङको दुर्घटनामा ३ जनाको मृत्यु । 

मोटर साइकल दसर्घटनामा परि दाङ्गमा आज ३ जनाको मृत्यु भएको छ । सौडीयार गाविसवाट घोराही आउदै गरेको रा १ प ७९६० नम्वरको मोटर साइकल सौडियार गाविस वडा नम्वर ७ मा पल्टदा सौडियार ७ का राम वहादुर चौधरी, सोहि स्थानका दिनेश चौधरी र सौडियार ५ का नरेश चौधरीको मृत्यु भएको जिल्ला प्रहरी कार्यालय दाङ्गले जनाएको छ । अध्याँरोका कारण बिजुलीको पोलमा ठोक्किएर मोटरसाइकल दुर्घटना भएको प्रहरिले जनाएको छ ।

खनालको नेतृत्वमा सरकार बनाउने माओवादी सँग सहमती भएको छ ः एमाले नेता महासेठ

नेकपा एमालेका पोलिटब्यूरो सदस्य रघुवीर महासेठले एमालेका अध्यक्ष झलनाथ खनालको नेतृत्वमा नयाँ सरकार बनाउन एमाले र माओवादीवीच आन्तरिक सहमति भईसकेको खुलासा गर्नु भएको छ । 

राजधानीमा आज आयोजित अन्र्तक्रियामा बोल्दै महासेठले काग्रेस सहमतिमा नआए बहुमतीय आधारमा एमालेको नेतृत्वमा माओवादी सहितको सरकार बन्ने सहमती भएको दावी गर्नुभयो । उहाँले अहिलेको बाम लोकतान्त्रिक गठबन्धनको आवश्यकता नरहेको भन्दै माओवादीलाई बाईपास गरेर यो गठबन्धन लाइ अगाडि बढाउन नहुने धारणा राख्नुभयो । माओवादी र काग्रेसले एक अर्काको अस्तित्व नस्विकार्ने भएकोले दुवै दललाई एमाले मान्य हुने भन्दै उहाँले चक्रिय प्रणालीले मुलुकलाई भाडभैलो बनाउने दावी समेत गर्नुभयो ।

कार्यक्रममा नेपाली काग्रेसका केन्द्रीय सदस्य दिपकुमार उपाध्यायले आवश्यकता परे नेपाली काग्रेसले प्रधानमन्त्रीका लागी विकल्प  दिने बताउनुभयो । यद्यपि उहाँले नेपाली काग्रेसको विधान अनुसार संसदीय दलका नेताले नै सरकारको नेतृत्व गर्ने ब्यवस्था रहेकोले अहिलेको उमेदवार रामचन्द्र पौडेल नै रहेको स्पष्ट पार्नु भयो । काग्रेस र माओवादीवीच समझदारी हुँदा मुलुकमा अकल्पनीय नजिताहरु निस्किएको बताउँदै उहाँले फेरि पनि माओवादी र काग्रेसवीच समझदारी हुनु पर्ने बताउनुभयो ।

एकीकृत नेकपा माओवादीका पोलिटब्यूरो सदस्य शक्तिबहादुर बस्नेतले अबको सरकार माओवादीको नेतृत्वमा बन्नु पर्ने भन्दै माओवादीका प्रधानमन्त्रीका उमेदवार अध्यक्ष प्रचण्ड नै भएको दावी गर्नुभयो । 

दुइ अस्थाइ न्यायाधीशको भोली संसदीय सुनुवाइ हुनेः 

बहुसंख्यक सभासदको विरोधका वाबजुत संसदीय सुनुवाइ विशेष समितिले सर्वोच्च अदालतका अस्थाइ न्यायाधीशद्वय भरतराज उपे्रती र प्रकाशचन्द्र वस्तीका सम्बन्धमा भोली सुनुवाइ गर्ने भएको छ । न्यायाधीश नियुक्ति सम्बन्धी न्याय परिषदको शिफारीस समावेशी नभएको तथा अस्थाइ न्यायाधीशलाइ पुनः अस्थाइमा नियुक्ति गर्ने व्यबस्था संविधानमा नभएकोप्रति आजत्ति जनाउदै सभासदहरले समावेशी नियुक्तिका लागि लेखि पठाउनु पर्ने बताएका थिए । संसद सचिवालय सिंहदरवारमा विहान बसेको बैठकमा माओवादीका अमिक शेरचन, एमालेका रिजवान अन्सारी, मधेशी फोरमका रामजनम चौधरी, सदभावनाका लक्ष्मणलाल कर्ण र मालेकी निलम केसी लगायतले नियुक्ति समावेशी नभएको भन्दै आपत्ति जनाएका थिए । 

विना विभागिय मन्त्री समेत रहेका कर्णले अस्थाइ न्यायाधीशलाइ पुनः अस्थाइमा नियुक्ति गर्ने व्यबस्था नभएको बताउनुभयो । समितिको भोली विहान बस्ने बैठकमा सुनुवाइकालागि न्यायधीशद्वयलाइ बोलाइएको समिति सभापति केबी गुरुङ्गले जानकारी दिनुभयो । न्यायाधीशद्वय विरुद्ध दुइ÷दुइवटा उजुरुी परेका छन । नागरिकता बिना मतदाता नामावली संकलन नगर्न निर्वाचन आयोगलाइ दिएको निर्देशनले लाखौ नागरिकलाइ मतदानको अधिकारवाट बञ्चित गराउन खोजेको भन्दै मधेशी सरोकार मञ्चले  वस्ती विरुद्ध उजुरी गरेको छ । उपे्रतीले पनि आर्थीक प्रलोभनमा गलत निर्णय गरेको आरोप सहित उजुरी परेको छ । अस्थाइ न्यायाधीशद्वयको दुइवर्षे कार्यकाल यही माघ ९ गतेसकिदै छ । 

दुर्गममा नुन ढुवानी नभएको भन्दै साल्ट्र टेड्रिङको आर्थिक अनियमितता छानविनगर्न मागः 

सभासदहरुले दुर्गम क्षेत्रमा नुन ढुवानिमा दिइएको सरकारी अनुदान दुरुपयोग भएको भन्दै छानविनगर्न माग गरेका छन । व्यबस्थापिका संसद अन्तरगतको लेखा समितिको आज बसेको बैठकमा दुर्गम जिल्लाहरुमा बाह्रमासे नुनको अभाव देखिएको भन्दै छानविनगर्न माग गरेका हुन । कर्णाली अञ्चलका दुर्गम पहाडि जिल्लामा एक केजी नुनको सय रुपैया तिर्नु पर्ने अबस्था आएको भन्दै सभासदहरुले आपत्ति जनाए । उनिहरुले साल्ट टेड्रिङले नुन आयात र विक्रि वितरणमा पाएको एकाधिकारको दुरुपयोग भएको भन्दै केहि सभासदहरुले नीजि क्षेत्रलाइ पनि नुन आयत गर्न दिनुपर्ने बताएका थिए । सभासदहरुले नुनको मुल्य महङ्गो भएको भएको समेत आरोप लगाए । 

सभासदहरु रघुविर महासेठ, रवीन्द्र अधिकारी, केशव नेपाल, हृदयश त्रिपाठी लगायतले दुर्गममा नुन ढुवानीगर्न सरकारवाट अनुदान लिएपनि नुन नपु¥याइको आरोप लगाएका थिए । बैठकमा आपूर्ती मन्त्रालयका सचिव पुरुषोत्तम ओझाले नुनको विक्रि देशभर सर्बसुलभ भएको दावी गर्नुभयो । साल्ट टेड्रिङका महाप्रवन्धक निर्मल श्रेष्ठले पनि सबै जिल्लामा नुनको आपूर्ती भएको भन्दै अभाव नभएको दावी गर्नुभयो । उहाँले देशै भरी नुनको एउटै भाउ रहेको दावीगर्दै महङ्गोमा खरिद विक्रि भएको जानकारी नरहेको बताउनुभयो । यसैबीच, लेखा समितिले साल्ट टेड्रिङको आर्थीक विबरण एक साता भीत्र समितिमा पेशगर्न निर्देशन दिएको छ । सरकारको २२ प्रतिसत र निजी क्षेत्रको ७८ प्रतिसत शेयर लगानि रहेको साल्ट टेड्रिङ नुन आयात गर्ने एकाधिकार पाएको कम्पनी हो ।

मौसम वदलिका कारण देशभर चिसो बढ्योः 

आज अपरान्हपछि मौसममा आएको बदलिका कारण राजधानी काठमाण्डौ उपत्यका लगायत देशभर चिसोमा वृद्धि भएको छ । पश्चिमि वायुको प्रभावसंगै गएराती र दिउसो फाट÷फुट पानी परेपछि चिसो बढेको हो । मौसममा आएको बदली भोली अवेरसम्म जारी रहने मौसम पूर्वानुमान महासाशाले जनाएको छ । महासाखाका मौसमविद सुजन सुवेदीले मौसम वदलीको प्रभाव एक÷दुइदिन सम्म जारी रहने बताउनुभयो । 

आज दिउँसो भएको बर्षाका कारण काठमाडौँ आसपासका डाँडाहरमा हिमहात समेत भएको छ । नगरकोट, दामन क्षेत्रमा हिउँ परेपछि हिँउमा रमाऊन युवा युवतीको भिड समेत बढेको छ । त्यस्तै पानीका कारण उच्च पहाडि क्षेत्रमा हिमपात भएको छ भने चिसो समेत बढेको छ । साविकमा २० डिग्री सेल्सीयस रहने काठमाण्डौमा आज दिउसोको तापक्रम ३ दशमलव ५ डिग्री मात्र रहेको थियो । 

उता हिजो बिहानदेखि हिमपात भइरहेकाले जुम्लाको सदरमुकाम सिमिकोटमा डेडफिट हिउँ जमेकाले हवाई उडानहरू बन्द भएको छ । हिमपातले गर्दा दक्षिणी भेगमा लिमी मन्थु गाविसका जनता सदरमुकाम सिमिकोटमा उपभोग्य सामान ल्याउन र आवतजावत गर्न सकेका छैनन् । प्रमुख जल्लाअधिकारी रामप्रसाद उपाध्यायले बिहान–बेलुका बढी चिसो भएता पनि आगो बालेर कार्यालय खुला गरी जनताको काम गर्न बाध्य भएको बताउनुभयो । हिमपातले गर्दा वर्षैबाली जौ, गहुँ समेत राम्रो हुने कुरा स्थानीयवासी बताए । 

लगातारको हिमपातका कारण देशका विभिन्न भागको जनजीवन प्रभावित भएको हो । बाजुरा जिल्लाका अधिकांश गाविसमा गएराति आएको बाक्लो हिमपातका कारण जनजीवन प्रभावित भएको छ । हिमपातका कारण जिल्लाका रुगिन, साप्पाटा, बिच्छ्या, गोत्री, जगन्नाथ, कोटिला, कोल्टी, पाण्डुसैन, मार्तडी, जुगाडा, मानाकोट, दहकोट, काडा, जयवागेश्वरी छताराजस्ता दर्जन भन्दा बढी गाविसका जनताको जनजीवन अस्तव्यस्त भएको हो ।

यस्तै उत्तरी रसुवामा पनि भारी हिमपातले जनजीवन प्रभावित भएको छ । आज बिहानदेखि परेको हिमपातले सदरमुकाम धुन्चेदेखि चन्दवारी, स्याफ्रू, लाङटाङ, गोल्जुङ, थुमनलगायतका क्षेत्रका वासिन्दा घरबाट बाहिर निस्कन सकेका छैनन् । हिमपातका कारण चरन क्षेत्र हिउँले ढाक्दा हिमाली भेगमा रहेका चौंँरी तथा याकलगायतका चौपायालाई आहारामा समस्या परेको किसानहरुले बताए । 

यसैबीच विगत तीन साता देखि बढ्दै गएको चिसोका कारण सप्तरीमा सर्वसाधारणहरुको ज्यान जाने क्रम बढ्दै गएको छ । यसै क्रममा गएराति र हिजो गरी सप्तरीमा तीन जनाको चिसोका कारण मृत्यु भएको छ । योसँगै आजसम्ममा तीन साताको अवधिमा सप्तरीमा चिसोले मृत्यु हुनेको सङ्ख्या १२ पुगेको छ ।  

पछिल्लो पटक चिसोका कारण मृत्यु हुनेमा सप्तरी सदरमुकाम राजविराज नगरपालिका–७ निवासी ५२ बर्षीया तिलियादेवी मण्डल, बरमझिया गाविस–३ निवासी ३२ बर्षीय बालकृष्ण गुप्ता र सिमराहा सिंगियौन गाविस–२ निवासी भरत यादव रहेका छन् । अत्यधिक चिसोका कारण कठ्याङ्गिएर मण्डलको गएराति तथा गुप्ता र यादवको हिजो मृत्यु भएको हो । 

बहुमतिय सरकारले देशलाइ निकाशः ओली

नेकपा एमालेका प्रभावशाली नेता केपी शर्मा ओलीले राष्ट्रपतीले तोकेको समयमा सहमतीको सरकार बन्न नसके बहुमतीय सरकार बनाएर भएपनि मुलुकलाई निकास दिनुपर्नै बताउनुभएको छ । संसदको नियमावली परिवर्तनले मात्र गतिरोधको अन्त्य नहुने भन्दै ओलीले हठबादी सोच पाल्ने नेताहरुको खोपडी नै परिवर्तन गर्नुपर्नै ब्यङग गर्नुभयो । भक्तपुरमा आज आयोजित समय समाज साप्ताहिकको वार्षिकोत्सवमा उहाँले अहमवादी सोच र तानाशाही प्रवृत्तिसँग कहिल्यै सहमती हुन नसक्ने जिकिर गर्नुभयो । 

शान्ति र संविधानका लागि सबै दलले आफ्नो हठ त्याग्न सकेमात्र सहमती बन्न सक्ने उहाँको भनाई थियो । माओवादी प्रंति निकै आक्रामक बन्नुभएका ओलीले माओवादीको १२ वर्षे जनयुद्ध राजनीतिक सनक मात्र भएको दावी गर्नुभयो । अब बन्न्ो सरकारको नेतृत्वले कसले गर्नै भन्न्ो लगभग निश्चित भईसकेको भन्दै उहाँले अहिल्यै नाम सार्वजनिक गरिए पुन खुट्टा तान्ने क्रम सुरु हुने भएकाले आफूले नाम नभन्ने बताउनुभयो ।

खेल समाचार

राष्ट्रिय खेलकुद  परिषद्को निर्णयलाई लत्याएर एन्फाद्धारा पुरानै ओलम्पीक कमिटीलाइ मान्यता

ANFA Chief Ganesh Thapa

राष्ट्रिय खेलकुद  परिषद्को निर्णयलाई लत्याएर कुनै समय नेपाली खेलकुदमा सनसनी मच्चाएको अखिल नेपाल फुटबल संघले फेरि खेलकुद परिषद्को निर्णयलाई वेवास्ता गरेको छ ।

एन्फा अध्यक्ष गणेश थापाले एशियाली फुटबल संघको उपाध्यक्षमा जित हात पारेपछि उनको सम्मानमा आज आयोजना गरिएको कार्यक्रममा एन्फा पदाधिकारीहरुले परिषद्को निर्णय लत्याएका हुन् । ए, बी र सी डिभिजनका फुटबल क्लबहरुले आयोजना गरेको सम्मान कार्यक्रममा सर्वोच्चले अवैधानिक ठहर गरेको ओलम्पिक कमिटीका अध्यक्ष ध्रुबबहादुर प्रधान र महासचिव जीवनराम श्रेष्ठलाई उनीहरुको पुरानै हैसियतमा सहभागि गराएका हुन् । सर्वोच्च अदालतले झण्डै ३ महिनाअघि  रुक्मशम्शेर राणा अध्यक्ष र ध्रुबबहादुर प्रधान महासचिव रहेको पुरानो ओलम्पिक कमिटीलाई वैधानिकता दिने निर्णय गरिसकेको छ ।  राष्ट्रिय खेलकुद परिषद्ले सर्वोच्चको निर्णयलाई पालना गर्दै रुक्मशम्शेर राणालाई नै आधिकारीक अध्यक्ष मान्न विभिन्न संघहरुलाई पत्राचार समेत गरिसकेको छ । 

खेलकुद परिषद्ले यसरी निर्देशन जारी गरिसकेको अवस्थामा एन्फा अध्यक्ष गणेश थापाले भने ध्रुबबहादुर प्रधानलाई अध्यक्ष र जीवनराम श्रेष्ठलाई महासचिव भनेर सम्बोधन गरे । उनले खेलकुद परिषद्का पदाधिकारीहरु कार्यक्रममा नआएको भन्दै त्यसको विरोध समेत गरे । खेलकुद परिषद्ले पत्राचार गरेयता परिषद्को निर्णयलाई नमान्ने एन्फा पहिलो संघ भने होइन । यसअघि नै बक्सिङ संघले ध्रुबबहादुर र जीवनरामलाई ओलम्पिक कमिटीको अध्यक्ष र महासचिवको हैसियतमा सार्वजनिक कार्यक्रममा सहभागि गराइसकेको छ । प्रधान र श्रेष्ठ उपस्थित भएको कार्यक्रममा प्रहरी र सेनाका अधिकारीसमेत उपस्थित थिए । प्रज्ञा प्रतिष्ठानमा आयोजित सम्मान कार्यक्रममा खेलाडी, प्रशिक्षक तथा विभिन्न क्लबका पदाधिकारीहरुले एएफसीका नवनिर्वाचित उपाध्यक्ष गणेश थापालाई फुलामाला लगाएर सम्मान गरेका थिए ।