माघ ०८ गते २०६७

माओवादीद्धारा लडाकुहरु विषेश समिती मातहत हस्तान्तरण 

PM Nepal and Maoist Chairman Prachanda signing agreement of PLA 

काठमाडाँै, माघ ८ । माओवादी सेनाका लडाकुहरु आजदेखि औपचारिक रुपमा सेना समायोजन विशेष समितकिो मातहतमा आएका छन् । चितवनको शक्तिखोरस्थित माओवादी सेनाको तेस्रो डिभिजनमा आयोजित विषेश समारोहमा माओवादी अध्यक्ष पुष्पकमल दाहाल प्रचण्डले लडाकुहरुलाइ विषेश समिति मातहत हस्तान्तरण गरेका हुन् । लडाकुहरु विषेश समिती मातहत हस्तान्तरणको घोषणा पत्रमा हस्ताक्षर गरेर दाहालले लडाकुहरुलाइ प्रधानमन्त्री संयोजक रहेको विषेश समितीमा हस्तान्तरण गरेका हुन् । हस्ताक्षर पछि घोषणपत्रलाइ विशेष समिती सचिवालयका संयोजक बालानन्द शर्माले पढेर सुनाउनु भएको थियो । 

घोषणापत्रमा माओवादी जनसेनाका लडाकुहरु आजबाट औपचारिक रुपमा सरकार मातहतमा आएको उल्लेख गरिएको छ । हस्ताक्षर कार्यक्रम पछि प्रधानमन्त्री माधव कुमार नेपालले लडाकु शिविरमा राष्ट्रिय झन्डा फहराएर साङकेतिक रुपमा माओवादी जनसेनाका लडाकुहरु राज्यको मातहतमा आएको जनाउनुभएको थियो ।

कार्याक्रममा माओबादीका पूर्व लडाकुहले परेड, युद्धकला, मार्सल आर्ट एवं विविध सांस्कृतिक कार्यक्रम प्रदर्शन गरेका थिए । माओवादी पूर्व लडाकुहरुले आज जनवादी गीतहरुको सट्टा राष्ट्रिय गीतमा नृत्य लगायत प्रदर्शन गरेका थिए । राष्ट्रगानमा लडाकुकासाथै सम्पूर्ण सहभागीहरुले एक स्वरमा साथ मिलाउँदा कार्यक्रम स्थल नै भावुक बनेको थियो । कार्यक्रम विहान ११ बजे नै सुरु हुने भनिएपनि मौसमको प्रतिकुलताले प्रधानमन्त्री लगायतका अतिथिहरु चढेको हेलिकप्टर चितवन पुग्न ढिला भएपछि दुई घन्टा ढिला गरी सुरु भएको थियो ।

PLA Handover program to Government Leading Committee at Maoist Combatant Camp, Shaktikhor, Chitwan

बिशेष समारोहमा प्रधानमन्त्री नेपाल, सभामुख सुवास चन्द्र नेम्वाङ, माओवादी अध्यक्ष प्रचन्ड लगायत अन्य दलका शीर्ष नेताहरु सहभागी हुनु भएको थियो । त्यस्तै कार्यक्रममा सहभागी हुने क्रममा प्रधानसेनापती छत्रमान सिंह गुरुङ, तथा अन्य सुरक्षा निकायका प्रमुखहरु पहिलो पटक लडाकु शिवीरमा प्रवेश गर्नु भएको थियो । कार्यक्रममा विभन्नि देशका राजदुत तथिा विदेशी नियोगका प्रमुखहरुलाइ समेत सहभागी हुनु भएको थियो 

लडाकु हस्तान्तरण भईसकेपछि माओवादी पार्टीको झन्डा हटाई शिविरहरुमा राष्ट्रिय झन्डा र जनमुक्ती सेना पिएलएको मात्र झन्डा राखिएको छ । नेपालको शान्ति प्रक्रियामा सघाईरहेको राष्ट्रसङघीय नियोग अनमिनको म्याद सकिनु पूर्व सरकार र माओबादीबीच भएको तीनबुँदे सहमति अनुसार ७ मुख्य र २१ सहायक शिबिरका १९ हजार ६ सय २ लडाकुको रेखदेख, समायोजन र पुर्नस्थापनको जिम्मा बिशेष समितीले लिएको हो । २०६३ साल मसिर ५ गते बृहत्त शान्ति सम्झौता भए पछि लडाकुहरु शिबिरमा बस्दै आएका थिए ।

अब हातेमालो गरेर अघि बढौ—नेताहरु

PM Nepal with PLA

सरकार र माओवादी दुबैले माओवादी सेनाका लडाकुहरु विशेष समितीको मातहतमा आउनु शान्ति प्रक्रियाको पूर्णताका लागि ठुलो फड्को भएको बताएका छन् । नेपालको परिवर्तनमा जनसेनाको भूमिकाको प्रशँशा गर्दे उनीहरुले जतिसक्दो चाँडो समायोजन प्रक्रियालाई अघि बढाउने प्रतिबद्धता जनाएका छन् ।

चितवनको शक्तिखोरस्थित तेस्रो डिभिजनमा आयोजीत लडाकु हस्तान्तरण कार्यक्रमलाइ सम्बोधन गर्दै प्रधानमन्त्री माधवकुमार नेपालले माओवादी लडाकुहरुको उचित ब्यबस्थानका लागि राज्यका तर्फबाट कुनै कसुर बाँकी नराख्ने प्रतिबद्धता जनाउनुभयो । लडाकुहरुको जतिसक्दो चाँडो समायोजन र बयवस्थापन गरिने भन्दै प्रधानमन्त्री नेपालले विगतका तिक्तताहरुलाई मेटाएर अब सबै पक्षसँग हातेमालो गरेर अघि बढ्नुपर्ने बताउनुभयो । साथै प्रधानमन्त्री नेपालले लडाकुहरुलाइ विषेश समितीका सम्पूर्ण निणर्यहरुलाइ अक्षरस पालना गर्न समेत आग्रह गर्नुुभयो । 

नेपालको शान्ति प्रक्रिया विश्वका लागि नै नमुना भएको भन्दै उहाँले शान्ति प्रक्रियाको पूर्णताका लागि माओवादी अध्यक्ष प्रचन्डले पुराएको सहयोग उल्लेखनिय भएको बताउनुभयो । नेपालको शान्ति प्रक्रियालाई संसारले नै नियाली रहेको भन्दै प्रधानमन्त्री नेपालले शान्ति प्रक्रियामा सघाउ पुराएकोमा राष्ट्रसङलाई धन्यवाद पनि दिनुभयो ।

माओवादीसँग तात्कालिक रुपमा भएको १२ बुदे सहमती र विस्तृत शान्ति सम्झौता नेपालको भविश्यका लागि कोशेढुङगा भएको नेपालको भनाई थियो । नेपालको शान्ति प्रक्रिया मौलिक रुपमा अघि बढेको भन्दै उहाँले मौलिक रुपमा नै शान्ति प्रक्रियाले सार्थकता पाउने विशवास ब्यक्त गर्नुभयो । नेपालको परिवर्तमा जनसेनाको भूमिका उल्लेख भएको चर्चा गर्दे नेपालले अब देखि जनसेना कुनै पनि पार्टीको कार्यकर्ता नभएको र राज्यको नीति निर्देशन अनुसार चल्ने बताउनुभयो । 

यस्तै लडाकु हस्तान्तरण सभालाई सम्बोन्धन गर्दे माओवादी अध्यक्ष प्रचन्डले अब लडाकुलाइ समायोजन र पुनस्थापन गरेर सबल एउटा राष्ट्रिय सुरक्षा शक्तिं बनाउपर्ने धारणा ब्यक्त गर्नुभयो । 

प्रचण्डले समायोजन र पुनस्थापनामा सहयोग गर्न सबै दललाइ आग्रह समेत गर्नुभयो । प्रचण्डले नेपालको स्वाधिनताको रक्षाका लागि जनसेनाको बलिदानी महत्वपूर्ण भएको स्मरण गर्दैै माओवादी शान्ति र संविधान प्रति प्रतिबद्ध भएको बताउनुभयो । आफूहरु पहिले देखिनै जनसेनालाई विशेष समितीको मातहतमा ल्याउन तयार भएपनि विशेष कारणले सो कार्य पूरा हुन नसकेको र आज सो कार्यले मुर्तता पाएको उल्लेख गर्नुभयो । प्रचन्डले विशेष समितीमा जनसेना आएसँगै समायोजन पं्रक्रियाले गति पाउने विश्वास ब्यक्त गर्नुभयो । आजको ऐतिहासिक दिनले नेपालको जारी शान्ति प्िरक्रिया र नेपालको स्वाधिनताको रक्षाकालागि अतुलनिय भूमिका खेल्ने उहाँको भनाई थियो । सम्बोधनको क्रममा प्रचण्डले अनमिनको बिदाइ असान्दर्भिक भएको प्रसङ्ग समेत कोट्याउनु भएको थियो । 

कार्यक्रममा माओवादी जनसेनाका कमान्डर नन्द किशोर पुन पासाङले जनसेनाहरु विषेश समिती मातहात आइ सकेपछि सबै सुरक्षा अगंहरुसँग एकाकार भइ काम गर्न तयार रहेको बताउनुभयो । पुनले पुराना विगतमा तिता मिठा, आग्रह पूवाग्रर्ह समेत माओवादी जनसेनाले नपाल्ने बताउनुभयो । 

पासाङले राज्य तथा दलहरुबाटसमान ब्यवहारको अपेक्षा गरिएको समते बताउनुभयो । साथै पुनले लामो धैर्यताका साथ आजको दिनका पर्खाईमा बसेको र आज त्यो सपना पुरा भएको बताउनुभयो । 

‘शान्तिप्रक्रियाको ऐतिहासिक थालनीको दिन हो आज’

विभिन्न दलका नेताहरुले माओवादीका लडाकूहरु विशेष समिति मातहत आउनु शान्ती प्रक्रिया पुरा हुने संकेत भएको प्रतिक्रिया दिएका छन् । उनीहरुले लडाकुलाइ विषेश समितीमा हस्तारण भएपछि राजनैतिक समस्या निराकरणमा समेत सहयोगी हुने टिप्पणी गरेका छन् ।

चितवनमा पत्रकारहरु सँग कुरा गर्दै नेपाली काँग्रेसका वरिष्ठ नेता शेरबहादुर देउवाले माओवादी लडाकू विशेष समितिमा मातहत जानुले शान्तिप्रक्रियालाई टुङगोमा पु¥याउन सहयोग पुग्ने बताउनुभयो । देउवाले ढिलै भए लडाकुहरु विशेष समितिमा गएकाले सेना समायोजनको विषय टुङ्गो लाग्नसहयोग पुग्ने विश्वास ब्यक्त गर्नुभयो । लडाकुहरु समितीमा आउनु एकदमै सकारात्मक कदम हो ः देउवाले भन्नुभयो ः अब शान्तिप्रक्रियालाई निष्कर्षमा पु¥याउन माओवादी इमान्दार हुनुपर्छ । 

त्यस्तै माअ‍ोवादी प्रवक्ता दीनानाथ शर्माले लडाकु हस्तान्तरण शान्ती प्रक्रियाको  महत्वपूर्ण कामको थालनी भएको बताउनुभयो । शर्माले भन्नुभयो ः यसले संविधान लेखन र राजनीतिक समस्या निराकरणमा सहयोग पुग्छ । माओवादी लडाकू सरकारको अधीनमा नभई विशेष समितिको मातहतमा रहेको बताउँदै उहाँले यसले दलहरुबीचमा सहमतिमा पुग्न मद्दत मिल्ने टिप्पणी गर्नुभयो । 

मधेसी जनअधिकार फोरमका अध्यक्ष उपेन्द्र यादवले माओवादी र लडाकूहरुबीचको सम्बन्ध विच्छेद हुनुपर्ने बताउँदै विशेष समितिको  अनुगमनको काम चुनौतीपूर्ण रहको टिप्पणी गर्नुभयो ।

माओवादी उपाध्यक्ष मोहन वैद्य किरणले हस्तान्तरणको कामले शान्तिप्रक्रियामा नयाँ आयामको सुरुवात भएको बताउनुभयो । किरणले यसले शान्ती प्रक्रिया पुरा हुनेमा केही आशा देखा परेको समेट टिप्पणी गर्नुभयो ।  

विषेश समितीमा आउँदा समायोजनका आशा बढ्यो ः लडाकु 

माओवादी शिवीरमा रहेका लडाकुहरुले विशेष समिती अन्तरगत सम्मीलित हुन पाँउदा खुसी लागको प्रतिक्रिया दिएका छन् । उनीहरुले प्रधानमन्त्री नेतृत्वको विषेश समितीमा समायोजन हुदाँ आफुहरुको भविष्य सुनिश्चीत हुने प्रति समेत आशावादि भएको बताएका छन् । शिविरमा पुगेका सन्चारकर्मिहरुसँग प्रतिक्रिया लडाकुहरुले धेरै पहिले नै आफूहरुले अपेक्षा गरेको कार्य ढिलै गरि भएपनि पूरा भएकामा समेत सुन्तुष्टि प्रकट गरेका हुन् । साथै लडाकुहरुले छिटो भन्दा छिटो विशेष समितबिाट सुरुक्षा निकायमा समायोजन प्रक्रिया अघि बढाउन समेत सबन्धीत पक्षसँग आग्रह गरेका छन् । 

यता सेना समायोजन बिशेष समिती सदस्य तथा एमाले महासचिब इश्वर पोखरेलले लडाकुहरु विषेश समिति मातहतमा आएकाले अब छिट्टै नै दोसा्रे चरणमा रिग्रुपिङको प्रक्रिया सुरु गरिने जानकारी दिनुभयो । माओवादीको शक्तिखोर शिविरमा संचारकर्मीलाइ प्रतिक्रिया दिदैँ पाखरेलले विषेश समिती मातहतमा लडाकु आएपछि सरकारले समायोजनका लागी आवश्यक प्रकृया समेत छिट्टै अगाडी बढाउने बताउनु भयो । 

डिएसपीद्धारा आत्महत्या

प्रहरीका प्रधान कार्यलय कायर्दलमा कार्यरत डिएसपी कञ्चन थापाले आज साँझ आत्महत्या गरेका छन् । थापाले आफ्नै पेस्तोलले आफ्नै क्रंचटमा गोली हानेको प्रहारीले जनाएको छ । विराटनगर स्थायी घर भएका थापाले गोंगबु बसुन्धरा स्थ्ीती आफ्नै फ्ल्याटमा आत्महत्या गरेका हुन् । थापको शव अहिले महाराजगंज स्थीत शिक्षण अस्पतालमा राखिएको प्रहरीले जनाएको छ । थापाको हत्याबारे केही खुल्न नसकेको र अनुसन्धान जारी रहेको प्रहरीले बताएको छ । 

खनालमाथि भएको घटनाबाट नेताहरूले पाठ सिक्नुपर्ने ः डा कोइराला

नेपाली काँग्रेसका केन्द्रीय सदस्य डा शेखर कोइरालाले नेकपा एमालेका अध्यक्ष झलनाथ खनालमाथि भएको घटनाबाट नेताहरूले पाठ सिक्नुपर्ने बताउनुभएको छ । नेपाल प्रेस युनियन सप्तरीद्वारा आज राजविराजमा आयोजित पत्रकार सम्मेलनमा डा. कोईरालाले एमाले अध्यक्ष खनालमाथिको घटना दुर्भाग्यपूर्ण भए पनि यसबाट सबै राजनीतिक दलका नेताहरूले पाठ सिक्नुपर्ने बताउनुभएको हो । उहाले अध्यक्ष खनालमाथि झापण हानिनुले जनतामा राजनीतिक वितृष्णा बढेको प्रष्ट भएको बतउनु भयो । झलनाथ खनालमाथि भएको घटनाबाट राजनीतिक दलका नेताहरूले पाठ सिक्न सके मुलुकले राष्ट्रपतिद्वारा थपिएको पाँच दिनभित्र सरकार पाउनसक्ने डा. कोईरालाको भनाइ थियो । 

भरत मोहन अधिकारी

नेकपा एमालेका नेता भरत मोहन अधिकारीले अबको सरकारको नेतृत्व एमालेले नै गनुपर्ने दाबी गर्नुभएको छ । एमाले तेहथुम काठमान्डौ सम्पर्क मञ्चद्धारा आज राजधानीमा आयोजित एक कार्यक्रममा नेता अधिकारीले एमालले मात्र बैचारीक रुपमा मुलुकलाई निकास दिन सक्ने भन्दै अबको सरकारको नेतृत्व एमालेले नै गनुपर्ने दावि गनुभएको हो । उहाले सरकारको नेतृत्व विचार र चिन्नतनबाट मात्र गर्न सकिने भन्दै यथास्थितिवादिले सरकारको नेतृत्व गर्न दिन नहुने धारणा राख्नुभयो । नेता अधिकारीले आफ्नो पार्टि भित्र अझै पनि एकतालाई सुढृढीकरण गर्न समस्या रहेको स्विकार गर्दै पार्टिभित्र देखिने गुटबन्दिलाई निरुत्साहित गर्न पार्टिको बैचारीक सिद्धान्तलाई अवलम्बन गर्नेपर्ने धारणा समेत राख्नुभयो ।

नेता अधिकारीले माओवादीका लडाकुहरु सरकार मातहतमा रहेको विशेष समितिमा आउनु शान्ति प्रक्रियाको अगं भएकाले सकरात्मक भएको टिप्पणी गर्नुुभयो ।

उच्चशिक्षा ऐन ल्याइने ः शिक्षामन्त्री शुक्ल

उच्चशिक्षाका लागि बाहिरिने नेपाली विद्यार्थीको समस्या समाधानमा लागि मन्त्रालयले उच्चशिक्षा ऐन ल्याउन लागेको शिक्षामन्त्री सर्वेन्द्रनाथ शुक्लले जानकारी दिनुभएको छ । आज राजधानीमा आयोजित कार्यक्रममा मन्त्रि शुक्लाले बाहिर जाने बिद्यार्थीहरुलाई नो अब्जेक्सन सर्टिफिकेट दिने गरेको भए पनि प्रमाणपत्र नलिई जाँदा विदेशमा समस्यामा पर्ने भएकाले ऐन ल्याउने तयारी भईरहेको उहाले बताउनु भयो । 

मन्त्री शुक्लले विदेशमा जाने विद्यार्थीलाई देश अनुकूल सक्षम र दक्ष बनाउन सरकारले विषयगत तालिम दिने कार्यक्रम समेत सुरु गरेको जानकारी गराउनुभयो । 

शिक्षा मन्त्रालयका सहसचिव महाश्रम शर्माले सन् २००८ देखि ०९ सम्ममा नेपालबाट ६२ देशमा विद्यार्थीहरू उच्चशिक्षाका लागि गएको जानकारी गराउँदै गत वर्ष करिब आठ हजारले मन्त्रालयबाट नो अब्र्जक्सन सर्टिफिकेट लिएको बताउनुभयो । 

भावी संविधानमा न्यायपालिका स्वतन्त्र र सक्षम हुनुपर्छ  

सङ्घीय राज्यसहितको भावी संविधानमा सक्षम र स्वतन्त्र न्यायपालिका भएमात्र लोकतन्त्र बलियो हुने विज्ञहरुले बताएका छन् । नेपाल बार एसोसिएसन तथा संवैधानिक कानुन समितिले आज मोरगंको विराटनगरमा आयोजना गरेको छलफल कार्यक्रममा विज्ञहरूले यस्तो बताएका हुन् । 

नेपाल बार एसोसिएसनका अध्यक्ष प्रेमबहादुर खड्काले न्यायपालिकालाई कुनै गुट वा समूहको हुन नदिन सबै कानुन व्यवसायी र विज्ञहरु लागि पर्नुपर्नेमा जोड दिनुभयो । उहाँले भावी संविधानमा न्यायपालिकाको संरचना तथा अधिकार क्षेत्र,  मानवाधिकारको सुनिश्चिता, सङ्घीय राज्यको पुर्नसंरचना र शासकीयस्वरुप तथा प्रान्तीय राज्यको अधिकार क्षेत्रमा रहेको विवादित विषयमा गम्भीर छलफल गरेर टुङ्गो लगाउनुपर्ने बताउनुभयो । पुनरावेदन अदालत विराटनगरका मुख्य न्यायाधीश गोपालप्रसाद पराजुलीले न्यायपालिकामा  हस्तक्षेप भए नागरिक अधिकार कुण्ठित हुने बताउनुभयो ।