मलाई मन्त्रीको नाम पनि थाहा छैन, कतिलाइ त म चिन्दा पनि चिन्दिन : प्रधानमन्त्री

Prime Minister of Nepal DR. Baburam Bhattarai

मनोज सत्याल

काठमाण्डौँ । प्रधानमन्त्री डा बाबुराम भट्टराइले वर्तमान सरकार जम्बो बनाउनु आफ्नो बाध्यता भएको दावी गर्नु भएको छ । कान्तिपुर टेलिभिजनको कार्यक्रम फायर साइडमा कुरा गर्दै भट्टराइले आफुलाइ मन्त्री छान्ने सुविधा नभएको भन्दै गठबन्धन सरकारमा दलहरुले गरेको प्रस्तावलाइ स्वीकार गर्दै सपथ गराउनु आफ्नो बाध्यता भएको दावी गर्नुभयो । 

भट्टराइले भन्नुभयो ः मलाइ कतिपय मन्त्रीको नाम पनि थाहा छैन, कतिलाइ म चिन्दिन पनि र कतिको मलाइ राजनैतिक पृष्ठमूमी समेत थााहा छैन । प्रधानमन्त्री भट्टराइले मन्त्रीमण्डल विस्तारलाइ क्षणिक परिघटनाको रुपमा लिन आग्रह गर्दै मुख्य कुरा शान्ति र संविधान भएकाले जनतलाइ त्यतातिर केन्द्रीत नहुन जनतलाइ आग्रह गर्नुभयो । भट्टराइले पछिल्लो समय आफ्नो आलोचना भइरहेको बारे आफु सचेत रहेको समेत बताउनुभयो । मैले राजनैतिक जिवनलाइ दाऊमा राखेर बहुमतिय सरकारको नेतृत्व सम्हालेको हुँ भट्टराइले भन्नुभयो ः आम युवामा रहेको निराशा कम गर्न र देशको आर्थीक विकासका लागी केही सुधारका काम गर्न सके मात्र मलाइ पास मार्क दिनुहोस् । भट्टराइले सात बुदेँ सहमतिले नयाँ संविधान निमार्णमा सहयोग गरेका दावी समेत गर्नुभयो । 

त्यस्तै सभासद् बालकृष्ण ढुङ्गेलेलाइ आममाफि दिन राष्ट्रपतिको सिफारिस गरिएको बारे प्रधानमन्त्री भट्टराइले जनयुद्धका क्रममा लगाइएको मध्ये एक मात्र ढुङ्गेलको मुद्या सर्वोच्चबाट फैसला भएकाले उनलाइ आममाफी दिइनुको विकल्प नभएको बताउनुयभो । उहाँले ढुङ्गेलको मुद्या राजनैतिक भएको दावी गर्दै क्षमादान र मेलमिपलापबाट अगाडी बढ्नुपर्ने बताउनुयभो । द्धन्द्धका क्रममा १३ हजार मान्छे मारिका छन् ३ हजार सेना र प्रहरीका होलान् बाकीँ माओवादीका छन् । यदी सबै ब्यक्ति ब्यक्तिलाइ मुद्या लगाउँदै जाने हो भने लाखौँ मान्छे बाँकी रहदैँनन् ः भट्राइले भन्नुभयो ः त्यत्रो मान्छेलाइ कसै कसै ले त पक्कै मारेकै हो । मेलमिलाप गरेर जानुको विकल्प छैन । 

भट्टराइले ढुङ्गेल साँडे आठ बर्ष जेल बसेको उल्लेख गर्दै पुनरावेदनमा मुद्या जितेकाले सभासद् ढुङ्गेल संविधान सभा निर्वाचनमा सहभागी भएको र सर्वोच्चमा मुद्या मामिलामा ध्यान नदिएकाले सर्वोच्चबाट फैसाला भएको टिप्पणी गर्नुभयो । द्धन्द्धका बेला भएको घटनाको सत्य निरुपण तथा मेलमिलाप आयोगबाट छानविन हुनपर्ने र सबैलाइ क्षमादान गरेर अघि बढ्नपर्ने भट्टराइको भनाइ थियो ।

सभासद् देवी खड्का बलात्कृत भएको प्रमाण भएपनि मुद्या दायर नगरिएको भन्दै भट्टराइले अब मेलमिलाप गरेर जानुको विकल्प छैन भन्नुभयो ।

भट्टराइले आफ्नै पार्टिका बरिष्ट उपाध्क्ष मोहन बैद्य पक्षले सरकारको औचित्य समाप्त भएको भन्ने गरेको भनाइको खण्डन गर्दै बैद्य पक्षले वर्तमान प्रक्रियाको विरोध गरेको बताउनुभयो । उहाँले धोविघाट गठबन्धनका क्रममा सांगठनिक सुधारका लागी मात्र एकता भएको भन्दै वैद्य समुहसँग वैचारिक मतभेत नै ठुलो मुद्या भएको दावी गर्नुभयो ।