ऐतिहासिक जित: नेपाल डिभिजन टु मा

Who make Nepal proud: Nepal in 'World Cricket Division 2'

सिताराम कोइराला
काठमाण्डौँ । नेपालले बमुर्डामा सम्पन्न आइसिसी विश्व क्रिकेट लिग डिभिजन–३ क्रिकेटको च्यााम्पियन बन्दै ऐतिहासिक सफलता हात पारेको छ । फाइनल भिडन्तमा युगान्डालाई ५ विकेटले पराजित गर्दै डिभिजन–३ को उपाधि कब्जा गरेको नेपालले अहिले सम्मकै सबैभन्दा ठुलो उपाधि हात पारेको हो ।
समूह चरणमा लगातार दुई खेलमा पराजित भएपछि खराब सुरुबात गरेको नेपालले त्यसपछिका चार खेल लगातार जित्दै आफुलाई उत्कृष्ठ भएको प्रमाणित गरेको हो ।  नेपाली टिमका कप्तान पारस खड्काले भने ‘हामीले यो उपलब्धि हात पार्ने धेरै परिश्रम गरेका छौ । पहिलका दुई खेल हर्दा हामीलाई जित बाहेको केहि बिकल्प थिएन । त्यसैले सबै खेलाडीको कडा मेहनतबाट र लकले पनि साथ दिएपछि यो सफलता हात पार्न सकिएको हो । ’ नौ महिनापछि एक दिवसीय र त्यसअघि २०–ट्वान्टी विश्वकपको छनोट बारे पारसले अघि भने ‘ हामी सधै अघि बढ्न चहान्छौ । तर विश्वकप खेल्नको लागि धेरै तयारीको खाँचो पर्छ । त्यसैले आजबाट नै तयारी थाल्नेछौ । ’

• डिभिजन टुमा बढुवासँगै नेपालले सन् २०१५ को वान डे विश्वकप क्रिकेट प्रतियोगिताको छनोट समेत खेल्न पाउनेछ ।

समूह चरणमा नाटकीय रुपमा अमेरिकालाई नेट रनरेटमा पछि पर्दै डिभिजन–२ र विश्वकप क्रिकेट २०१५ को छनोट प्रतियोगिताको लागि छानिएको नेपालले समूह उपविजेता हु“दै फाइनलमा प्रवेश गरेको थियो । नौ महिनाको अवधिमा नेपालले ठुला प्रतियोगिताको उपाधि जितेको यो तेस्रो पटक हो । यसअघि गत बर्षको भदौमा मलेसियामा सम्पन्न डिभिजन–४ को उपाधि कब्जा गर्दै नेपाल डिभिजन–३ मा बढुवा भएको थियो । फाइनलमा अमेरिकालाई पराजित गर्दै मलेसियामा उपाधि जित्दा नेपालले अपराजित हरेको थियो । लगत्तै युएइमा भएको एसिसी ट्रफि इलाइट कपको पनि नेपालले उपाधि जितेको थियो । नेपालले एसिसी इलाइट कपको उपाधि युएइस“ग संयुक्त रुपमा जितेको थियो । अघिल्लो महिना काठमाडौं भएको एसिसी ट्वान्टी–ट्वान्टी इलाइट कपको फाइनलमा अफगानिस्तानसँग ७ विकेटले परािजत भएपछि नेपाल टिम उपविजेता बनेको थियो ।
बमुर्डाको हामिल्टनस्थित राष्ट्रिय रंगशालामा भएको फाइनलमा भिडन्तमा युगान्डाले टस जितेर पहिले ब्याटिङ गर्ने निर्णय ग¥यो । नेपाललले कसिलो बलिङ र उत्कृष्ट फल्डिङ गरेपछि युगान्डाले निर्धारित ५० ओभरमा ८ विकेटको क्षतिमा १ सय ५१ रन जोड्यो ।
पहिलो दश ओभरमा स्पीनर पृथु बास्कोटा र कप्तान पारस खड्काले कसिलो बलिङ गर्दै युगान्डालाई सुरुवात मै दबाबमा राखे । फेरि एक पटक स्पीनर हाबी भएको खेलमा राहुल विश्वकर्मा र बसन्त रेग्मीले दुई–दुई विकेट हात पारे । बसन्तले १० ओभर बलिङ गर्दा तीन मेडन राख्दै २४ रन खर्चिए । समान ओभरमा राहुलले  एक मेडन राख्दा ३४ रन दिए ।  यस्तै कप्तान पारस, पृथु र शक्ति गौचलने पनि एक–एक विकेट आफ्नो नाममा लेखाए । युगान्डको एक ब्याट्सम्यानलाई पारसले रनआउट गरे । पृथुले  सबैभन्दा किफायती बलिङ गर्ने क्रममा १० ओभरमा ३ मेडन राखे । त्यसको लागि पृथुले १५ रन मात्र खर्चिए ।  यता कुनै पनि विकेट लिन नसकेकाका सन्जम रेग्मीले केवल ५ ओभर बलिङ गर्दा ३७ रन खर्चदा नेपालको लागि महङ्गो साबित भयो । खेलको पा“चौ ओभर देखि विकेट लिदै नेपालले बलिङमा गतिलो सुरुवात गरेको थियो । युगान्डाको लागि डेउसेडिड मुमुमाजाले सबैभन्दा बढि २८ रन जोडे । उनलाई नेपालका बसन्तले ४८ औं ओभरको पहिलो बलमा बोल्ड गर्दै पेभिलियनको बाटो देखाए ।
१ सय ५२ रनको सामान्य लक्ष्य नेपालले ३९ ओभर २ बल खेल्दै ५ विकेटको क्षतिमा पार ग¥यो । नेपालको जितमा ओपनर प्रदीप ऐरि ६० रन र शरद भेषवाकारले ५० रन बनाउदै अर्धशतकीय पारी खेले । तर पनि नेपालको ओपनिङ खराब नै रह्यो । नेपालले तेस्रो ओभरमा नै ओपनर सुबास खकुरेललाई ४ रनको ब्यक्तिगत स्कोरमा गुमायो । त्यसपछि उपकप्तान ज्ञानेन्द्र मल्ल ५ रन बनाउदा आठौ ओभरमा क्याच आउट भए । ११ औं ओभरमा कप्तान पारस पनि एक रन बनाएर आउट भएपछि नेपाली इनिङ संकटमा पा¥यो । नेपालले ११ ओभरमा ३० रन बनाउदा ३ महत्वपूर्ण विकेट गुमाइसकेको थियो । तर त्यसपछि क्रिजमा आएका शरदले  प्रदीपस“ग चौथो विकेटको लागि ७७ रनको साझेदारी गर्दा नेपालले १ सय ७ रन जोडेको थियो । चौथो विकेटको रुपमा आउट भएका प्रदीपले ६० रन जोड्ने क्रममा ५ चौका र ४ छक्का हिकाए । त्यसपछि विनोद भन्डारी ७ रनमा पेभिलियन फर्केपछि पृथु बास्कोटाले शरदलाई अन्त्यसम्म साथ दिए ।  पृथुले २ चौका र १ छक्का सहित २१ रनमा नटआउट रहे । जितको लागि तीन रन चाहिएको बेला शरदले विजयी चौका हान्दा नेपाललाई ऐतिहासिक सफलता हात पारेको हो । अब नेपालले सन् २०१४ मा न्युजिल्याण्डमा हुने विश्व कप छनोट प्रतियोगिता खेल्नेछ । १२ राष्ट्रको सहभागिता रहने प्रतियोगिताको शीर्ष दुई टोली विश्वकपको लागि छानिनेछन् भने शीर्ष ४ राष्ट्रले एक दिवसीय मान्यता पाउनेछन् ।
 =====================================================================

Captain of Nepalese Cricket team Paras Khadka bating.

आइसीसी विश्व क्रिकेट डिभिजन थ्रीकोमा दोस्रो स्थान हात पार्दै डिभिजन टुमा बढुवा भएपछि नेपालले २०१५ मा हुने वान डे विश्वकप क्रिकेटको छनोट प्रतियोगिता खेल्ने भएको छ ।

गएराती अबेर भएको महत्वपूर्ण खेलमा आयोजक बुर्मुडाले अमेरिकालाई पराजित गरेपछि रन रेटमा अघि रहेको नेपाल समूह उपविजेता हुँदै डिभिजन टु बढुवा भएको हो । युगान्डा यसअघि नै लगातार चार खेल जित्दै डिभिजन टुमा बढुवा भैसकेको थियो । समूह चरणका खेलपछि नेपाल र युगान्डा अघिल्लो डिभिजनमा बढुवा हुँदा अमेरिका र आयोजक बर्मुडा डिभिजन थ्रीमै यथावत रहेका छन् । ओमान र सबै खेलमा पराजित इटाली रेलिगेशनमा पार्दै डिभिजन फोरम झरेका छन् । डिभिजन टुमा बढुवासँगै नेपालले सन् २०१५ को वान डे विश्वकप क्रिकेट प्रतियोगिताको छनोट समेत खेल्न पाउनेछ । अन्तिम खेलमा इटालीलाई ८ विकेटको भारी अन्तरले पराजित गरेपछि डिभिजन टुमा बढुवा हुन नेपालले त्यहि समय बर्मुडा र अमेरिकाबीचको खेलको नजिता कुरेको थियो । आयोजक बर्मुडाले अमेरिकालाई ५ विकेटले पराजित गरेपछि नेपाल रनरटेमा अघि रहँदै डिभिजन टुमा बढुवा हुँदै अर्काे सफलता हात पारेको हो । 

नेपाल र अमेरिकाले तीन–तीन खेलमा जित हात पार्दै समान ६–६ अंक जोडेका थिए । नेट रनरेटमा नेपालले अमेरिकालाई शून्य दशमलव एक ६ ले पछि पा¥यो । अन्तिम खेलमा इटालीलाई भारी अन्तरले पराजित गर्नुपर्ने बाध्यतामा रहेको नेपालले पहिले फिल्डिङ गर्दै धारिलो बलिङको नमुना प्रस्तुत ग¥यो । कप्तान परस खड्काले सुरुवाती दश ओभरमा तीन मेडन फ्याक्दा केलव ४ रन मात्र खर्चिएका थिए । नेपालले इटालीलाई दश ओभरमा दश रन कटाउनसमेत दिएको थिएन । प्रतियोगितामा पहिलो खेल खेलका स्पीनर राहुल विश्वकर्माले उत्कृष्ट बलिङ गर्दै ३ विकेट लिएपछि खेल नेपालको पक्षमा आउन थालेको थियो । राहुलले १० ओभरमा ३ मेडन राख्दा केवल २८ रन मात्र खर्चिए । 

इटालीको इनिङमा स्पीनर हाबी भएको दिन सञ्जम रेग्मीले पनि ३ विकेट चड्काए । सञ्जमले इटालीका तीन ब्याट्सम्यानलाई शिकार बनाउँदा एक मेडन राखेर ३२ रन दिए । अर्का स्पिन शक्ति गौचन सबैभन्दा किफायती बलर भए । उनले पनि १० ओभरमा दुई विकेट चड्काउदा २ मेडन राखेर केवल १५ खर्चिए । एक विकेट लिएका बसन्त रेग्मीले २२ रन दिँदा कप्तान पारसले ३ मेडन राखेर २४ रन दिए । इटालीका लागि काल सान्दीले सबैभन्दा बढी ३९ रन जोडे । ५ चौका हानेर क्रिजमा टिकिरहेका सान्दीलाई राहुलले ३७ ओभरमा १ सय ६ रन बनाउँदा आउट गरेपछि खेल नेपालको पक्षमा आएको थियो । १ सय २८ रनको लक्ष्य नेपालले केवल २ विकेटको क्षतिमा १४ ओभर ५ बलमा पार ग¥यो । नेपालका जितमा विकेटकिपर ब्याट्सम्यान सुवास खकुरेलले ४७ आक्रामक पारी खेले । सुवासले ३५ बल खेल्दा ४ चौका र २ छक्का प्रहार गरे । यस्तै अघिल्ला दुई म्याचमा टोलीमा नपरेका प्रदीप ऐरीले नटआउट ४२ रन जोडे । यता पारसले ८ बलमा ३ चौका र १ छक्का सहित २२ रन जोडे । अन्तिम दुई  खेलेका उपकप्तान ज्ञानेन्द्र मल्लले १ चौका र १ छक्का हिर्काउदै १० रनमा अविजित रहे । यसअघि पहिलो खेलमा अमेरिका र दोस्रो खेलमा युगान्डासँग  हार ब्याहोरेपछि नेपालको सम्भावना  सुरुवातमै कमजोर बनेको थियो । तर पछिल्ला तीन खेलमा सानदार जित दर्ता गराएपछि नेपालले क्रिकेटमा अहिले सम्मकै ठुलो सफलता हात पारेको हो ।